ਸਟਾਕ ਮਾਰਕੀਟ,ਆਈ ਪੀ ਓ ਬਲਾਕ ਅਤੇ ਰੀ ਸੇਲ ਸ਼ੇਅਰਾਂ 'ਚ 10 ਗੁਣਾ ਪੈਸਾ ਵਧਾਉਣ ਦਾ ਲਾਲਚ ਦੇ ਕੇ ਬਸੀ ਪਠਾਣਾਂ ਦੇ ਇੱਕ ਵਸਨੀਕ ਨਾਲ ਕਰੀਬ 39 ਲੱਖ ਰੁਪਏ ਦੀ ਠੱਗੀ ਵੱਜਣ ਦਾ ਸਮਾਚਾਰ ਹੈ।ਪ੍ਰਾਪਤ ਹੋਈ ਜਾਣਕਾਰੀ ਅਨੁਸਾਰ ਸਾਹਿਲ ਕੁਮਾਰ ਨਾਮਕ ਵਿਅਕਤੀ ਨੇ ਸੀਨੀਅਰ ਪੁਲਿਸ ਅਧਿਕਾਰੀਆਂ ਨੂੰ ਦਿੱਤੀ ਗਈ ਸ਼ਿਕਾਇਤ 'ਚ ਦੋਸ਼ ਲਗਾਏ ਸਨ ਕਿ ਐਸ਼ਵਰਿਆ ਗੁਪਤਾ,ਕ੍ਰਿਸ਼ਨ ਕੁਮਾਰ,ਕ੍ਰਿਸ਼ਨ ਕੁਮਾਰ ਸਿੰਘ ਅਤੇ ਦੋ ਹੋਰ ਨਾਮਾਲੂਮ ਵਿਅਕਤੀਆਂ ਵੱਲੋਂ ਸਟਾਕ ਮਾਰਕੀਟ,ਆਈ ਪੀ ਓ ਬਲਾਕ ਅਤੇ ਰੀ ਸੇਲ ਸ਼ੇਅਰਾਂ ਵਿੱਚ 10 ਗੁਣਾ ਪੈਸਾ ਵਧਾਉਣ ਦਾ ਝਾਂਸਾ ਦੇ ਕੇ ਉਸ ਨਾਲ 39,79,120 ਰੁਪਏ ਦੀ ਧੋਖਾਧੜੀ ਕੀਤੀ ਗਈ ਹੈ।