ਭਗਵਾਨ ਪਰਸ਼ੂਰਾਮ ਜਨਮ ਉਤਸਵ ਧੂਮਧਾਮ ਨਾਲ ਮਨਾਇਆ ਜਾਵੇਗਾ
ਰੂਪਨਗਰ, 6 ਮਈ (ਰਾਜਨ ਵੋਹਰਾ) : ਬ੍ਰਾਹਮਣ ਸੇਵਾ ਸਮਿਤੀ ਜ਼ਿਲ੍ਹਾ ਰੋਪੜ ਦੀ ਮੀਟਿੰਗ ਘਨੌਲੀ ਵਿੱਖੇ ਹੋਈ। ਪੰਕਜ ਸ਼ਰਮਾ ਅਵਾਨ ਕੋਟ ਅਤੇ ਪੰਡਿਤ ਅਵਨੀਸ਼ ਮੌਦਗਿਲ ਸਾਹੂਮਾਜਰਾ ਨੇ ਦੱਸਿਆ ਕਿ ਬ੍ਰਾਹਮਣ ਸੇਵਾ ਸਮਿਤੀ ਵੱਲੋਂ ਭਗਵਾਨ ਪਰਸ਼ੂਰਾਮ ਜਨਮ ਉਤਸਵ 12 ਮਈ ਦਿਨ ਐਤਵਾਰ ਨੂੰ ਘਨੌਲੀ ਬੱਸ ਸਟੈਂਡ ਨੇੜੇ ਸ਼ਿਵ ਮੰਦਰ ਵਿਖੇ ਬੜੇ ਉਤਸ਼ਾਹ ਅਤੇ ਧੂਮਧਾਮ ਨਾਲ ਮਨਾਇਆ ਜਾਵੇਗਾ।
ਇਸ ਦੇ ਲਈ ਸਾਰੀ ਤਿਆਰੀਆਂ ਹੋ ਗਈਆਂ ਹਨ । 12 ਮਈ ਨੂੰ ਸਵੇਰੇ ਸ੍ਰੀ ਸੁੰਦਰ ਕਾਂਡ ਜੀ ਦਾ ਪਾਠ ਹੋਵੇਗਾ, ਜਿਸ ਤੋਂ ਬਾਅਦ ਆਚਾਰੀਆ ਵਿਪਨ ਸ਼ਰਮਾ ਜੀ ਤਾਜਪੁਰਾ ਵਾਲੇ ਅਤੇ ਆਚਾਰੀਆ ਹੈਪੀ ਸ਼ਰਮਾ ਜੀ ਮਹਿੰਦਲੀ ਵਾਲੇ ਭਗਵਾਨ ਪਰਸ਼ੂਰਾਮ ਜੀ ਦੀ ਜੀਵਨੀ ਅਤੇ ਇਤਿਹਾਸ ਵਿੱਚ ਦਰਜ ਬ੍ਰਾਹਮਣਾਂ ਦੇ ਯੋਗਦਾਨ 'ਤੇ ਵਿਸਥਾਰ ਪੂਰਵਕ ਪ੍ਰਵਚਨ ਦੇਣਗੇ ਅਤੇ ਬੱਚਿਆਂ ਤੋਂ ਧਾਰਮਿਕ ਸਵਾਲ ਪੁੱਛ ਕੇ ਸਹੀ ਜਵਾਬ ਦੇਣ ਵਾਲੇ ਬੱਚਿਆਂ ਨੂੰ ਸਨਮਾਨਿਤ ਵੀ ਕਰਨਗੇ। ਇਸ ਤੋਂ ਬਾਅਦ ਭੰਡਾਰਾ ਸ਼ੁਰੂ ਕੀਤਾ ਜਾਵੇਗਾ। ਬ੍ਰਾਹਮਣ ਸੇਵਾ ਸਮਿਤੀ ਨੇ ਸਾਰੇ ਬ੍ਰਾਹਮਣ ਪਰਿਵਾਰਾਂ ਨੂੰ ਇਸ ਪ੍ਰੋਗਰਾਮ ਵਿੱਚ ਹਿੱਸਾ ਲੈਣ ਦੀ ਅਪੀਲ ਕੀਤੀ ਹੈ। ਇਸ ਮੌਕੇ ਸੁਰਿੰਦਰ ਪਾਲ ਕੌਸ਼ਿਕ ਘਨੌਲੀ, ਰਵਿੰਦਰ ਗੌਤਮ ਘਨੌਲੀ, ਰਾਕੇਸ਼ ਸ਼ਰਮਾ ਸਾਹੂਮਾਜਰਾ, ਧਰਮਿੰਦਰ ਸ਼ਰਮਾ ਕਟਲੀ, ਵਿਨੋਦ ਸ਼ਰਮਾ ਦਸਮੇਸ਼ ਨਗਰ, ਰਵਿੰਦਰ ਤਿਵਾਰੀ, ਹਰਦੀਪ ਮੰਗਾ, ਰਾਜੀਵ ਕੌਸ਼ਿਕ, ਭੂਸ਼ਣ ਸ਼ਰਮਾ ਘਨੌਲੀ ਅਤੇ ਵੱਡੀ ਗਿਣਤੀ ਵਿਚ ਬ੍ਰਾਹਮਣ ਹਾਜ਼ਰ ਸਨ।