ਵਿਪਨ ਗਰੋਵਰ
ਫਤਹਿਗੜ੍ਹ ਪੰਜਤੂਰ (ਮੋਗਾ)/ 6 ਮਈ : ਪਾਵਰਕਾਮ ਦੇ ਸਥਾਨਕ ਉਪਮੰਡਲ ਦਫਤਰ ਦੇ ਘੇਰੇ ਤਹਿਤ ਆਉਦੇ ਇੱਕ ਨੌਜਵਾਨ ਬਿਜਲੀ ਮੁਲਾਜ਼ਮ ਦੀ ਕਰੌਟ ਲੱਗਣ ਕਾਰਣ ਮੌਤ ਹੋ ਜਾਣ ਦਾ ਦੁਖਦਾਈ ਸਮਾਚਾਰ ਪ੍ਰਾਪਤ ਹੋਇਆ ਹੈ । ਮਿਲੀ ਜਾਣਕਾਰੀ ਮੁਤਾਬਕ 30 ਸਾਲਾਂ ਬਿਜਲੀ ਮੁਲਾਜ਼ਮ ਸਤਨਾਮ ਸਿੰਘ ਪੁੱਤਰ ਮਲੂਕ ਸਿੰਘ ਵਾਸੀ ਪਿੰਡ ਝੰਡਾਂ ਬੱਗਾ ਨਵਾਂ ਜੋ ਕੜਾਹੇਵਾਲਾ ਫੀਡਰ ਵਿੱਚ ਪ੍ਰਾਈਵੇਟ ਕੰਪਨੀ ਚਂ ਜੇਐਸਬੀ ਅਧੀਨ ਕੰਮ ਕਰਦਾ ਸੀ । ਘਟਨਾ ਦੇ ਸਮੇਂ ਪਿੰਡ ਕੜਾਹੇਵਾਲਾ ਵਿੱਚ ਜਦ ਉਹ ਵਾਟਰ ਵਰਕਸ ਦੀ ਟੈਂਕੀ ਤੇ ਬਿਜਲੀ ਦੀ ਸਪਲਾਈ ਵਿੱਚ ਪਏ ਫਾਲਟ ਨੂੰ ਦੂਰ ਕਰ ਰਿਹਾ ਸੀ ਤਾਂ ਅਚਾਨਕ ਕਰੰਟ ਲੱਗਣ ਕਾਰਣ ਉਸਦੀ ਮੌਤ ਹੋ ਗਈ । ਸੂਤਰਾਂ ਤੋ ਮਿਲੀ ਜਾਣਕਾਰੀ ਮੁਤਾਬਕ ਸਤਨਾਮ ਸਿੰਘ ਜਿਸਦਾ ਕੁਝ ਸਮਾਂ ਪਹਿਲਾਂ ਹੀ ਵਿਆਹ ਹੋਇਆ ਸੀ ਦੇ ਘਰ ਇੱਕ ਛੋਟਾ ਬੱਚਾ ਸੀ ।