ਸੁਖਵਿੰਦਰ ਸਿੰਘ ਭਾਦਲਾ, ਪਰਮਿੰਦਰ ਸਿੰਘ ਮੋਨੂੰ
ਖੰਨਾ, ਪਾਇਲ/10 ਮਈ : ਬੀਤੀ ਰਾਤ ਪਿੰਡ ਬੀਜਾ ਤੋਂ ਸਮਰਾਲਾ ਜਾਣ ਵਾਲੀ ਸੜਕ ਉਪਰ ਪਿੰਡ ਸਮਸਪੁਰ ਕੋਲ ਇੱਕ ਦਰਦਨਾਕ ਹਾਦਸਾ ਹੋਇਆ ਜਿਸ ਦੇ ਵਿੱਚ ਇੱਕ ਨੌਜਵਾਨ (33) ਦੀ ਮੌਤ ਹੋ ਗਈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਇੱਕ ਕਾਰ ਵਿੱਚ ਸਵਾਰ ਦੋ ਨੌਜਵਾਨ ਸਮਰਾਲਾ ਤੋਂ ਹੁੰਦੇ ਹੋਏ ਚਾਵਾਂ ਪਾਇਲ ਰੋਡ ਤੇ ਪੈਂਦੇ ਪਿੰਡ ਬੀਜਾਂ ਵਿਖੇ ਆਪਣੇ ਦੋਸਤ ਨੂੰ ਛੱਡਣ ਲਈ ਜਾ ਰਿਹਾ ਸੀ। ਜਦੋਂ ਉਹਨਾਂ ਦੀ ਕਾਰ ਆਈ ਟਵੰਟੀ ਪਿੰਡ ਸਮਸਪੁਰ ਦੇ ਕੋਲ ਪਹੁੰਹੀ ਤਾਂ ਇਕ ਅਵਾਰਾ ਪਸ਼ੂ ਉਹਨਾਂ ਦੀ ਗੱਡੀ ਅੱਗੇ ਆ ਗਿਆ । ਜਿਸ ਕਾਰਨ ਗੱਡੀ ਦਾ ਸੰਤੁਲਨ ਵਿਗੜ ਗਿਆ ਅਤੇ ਗੱਡੀ ਬੇਕਾਬੂ ਹੋ ਕੇ ਦਰਖਤ ਨਾਲ ਜਾ ਟਕਰਾਈ। ਇਸ ਭਿਆਨਕ ਹਾਦਸੇ ਵਿੱਚ ਕਾਰ ਦੇ ਪਿਛਲੀ ਸੀਟ ਤੇ ਬੈਠੇ ਨੌਜਵਾਨ ਸੰਜੇ ਕੁਮਾਰ ਵਾਸੀ ਬੈਂਕ ਕਲੋਨੀ ਸਮਰਾਲਾ ਜੋ ਕਿ ਇੱਕ ਬੈਂਕ ਦੋਰਾਹਾ ਵਿਖੇ ਸੈਲਜ਼ ਮੈਨੇਜਰ ਦੇ ਤੌਰ ਤੇ ਕੰਮ ਕਰਦਾ ਸੀ । ਉਸ ਦੀ ਮੌਤ ਹੋ ਗਈ ਅਤੇ ਕਾਰ ਚਾਲਕ ਅਰਸਦੀਪ ਸਿੰਘ ਵਾਸੀ ਬੀਜਾ ਜੋ ਕਿ ਗੰਭੀਰ ਰੂਪ ਤੋਂ ਜਖਮੀ ਹੋ ਗਿਆ। ਜਖਮੀ ਨੂੰ ਸਮਰਾਲਾ ਦੇ ਸਿਵਲ ਹਸਪਤਾਲ ਵਿੱਚ ਲਿਆਂਦਾ ਗਿਆ ਜਿੱਥੇ ਉਸ ਨੂੰ ਮੁੱਢਲੀ ਸਹਾਇਤਾ ਦੇਣ ਤੋਂ ਬਾਅਦ ਪੀਜੀਆਈ ਚੰਡੀਗੜ੍ਹ ਰੈਫਰ ਕਰ ਦਿੱਤਾ ਗਿਆ। ਸਥਾਨਕ ਪੁਲਿਸ ਏ.ਐਸ.ਆਈ. ਅਵਤਾਰ ਚੰਦ ਨੇ ਲਾਸ਼ ਦਾ ਸਿਵਲ ਹਸਪਤਾਲ ਸਮਰਾਲਾ ਤੋਂ ਪੋਸਟ ਮਾਰਟਮ ਕਰਵਾਕੇ ਲਾਸ਼ ਵਾਰਸਾਂ ਨੂੰ ਸੌਂਪ ਦਿੱਤੀ ਹੈ। ਗੁਰਪ੍ਰੀਤ ਸਿੰਘ ਦਾ ਕਹਿਣਾ ਸੀ ਕਿ ਅਵਾਰਾ ਪਸ਼ੂਆਂ ਦੇ ਉੱਪਰ ਸਰਕਾਰ ਨੂੰ ਨੱਥ ਪਾਉਣੀ ਚਾਹੀਦੀ ਹੈ। ਅਵਾਰਾ ਪਸ਼ੂ ਦੇ ਕਾਰਨ ਮੇਰੇ ਦੋਸਤ ਦੀ ਜਾਨ ਚਲੀ ਗਈ ਇਹ ਬਹੁਤ ਦੁੱਖਦਾਈ ਹੈ ਇਹ ਘਾਟਾ ਕਦੇ ਪੂਰਾ ਨਹੀਂ ਹੋ ਸਕਦਾ।