ਡੀ.ਪੀ. ਜਿੰਦਲ
ਭੀਖੀ/10 ਮਈ : ਸਥਾਨਕ ਮੂਲਾ ਸਿੰਘ ਵਾਲਾ ਰੋਡ ’ਤੇ ਸਥਿੱਤ ਸਰਵਹਿੱਤਕਾਰੀ ਵਿੱਦਿਆ ਮੰਦਰ (ਸੀ.ਬੀ.ਐਸ.ਈ.) ਦੇ ਚਾਰ ਬੱਚੇ ਇਸਰੋ ਦੇ ਯੁਵਿਕਾ ਪ੍ਰੋਗਰਾਮ ਲਈ ਚੁਣੇ ਗਏ ਸਨ। ਜਿੰਨ੍ਹਾਂ ਬੱਚਿਆਂ ਨੂੰ ਮਾਨਸਾ ਦੇ ਡਿਪਟੀ ਕਮਿਸ਼ਨਰ ਪਰਮਵੀਰ ਸਿੰਘ ਨੇ ਦਫਤਰ ਵਿੱਚ ਬੁਲਾ ਕੇ ਆਸ਼ੀਰਵਾਦ ਦਿੱਤਾ ਅਤੇ ਹੌਂਸਲਾ ਅਫਜਾਈ ਕੀਤੀ। ਇਸ ਮੌਕੇ ਡੀਸੀ ਪਰਮਵੀਰ ਸਿੰਘ ਨੇ ਕਿਹਾ ਕਿ ਮਾਨਸਾ ਜ਼ਿਲੇ੍ਹ ਦੀ ਇੱਕੋ ਸੰਸਥਾ ਦੇ ਚਾਰ ਬੱਚਿਆਂ ਦਾ ਯੁਵਿਕਾ ਪ੍ਰੋਗਰਾਮ ਤਹਿਤ ਇਸਰੋ ਲਈ ਚੁਣਿਆ ਜਾਣਾ ਮਾਣ ਵਾਲੀ ਗੱਲ ਹੈ। ਉਨ੍ਹਾਂ ਪਿ੍ਰੰਸੀਪਲ ਡਾ. ਗਗਨਦੀਪ ਪਰਾਸ਼ਰ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿ ਐਨੀ ਛੋਟੀ ਉਮਰ ਵਿੱਚ ਬੱਚਿਆਂ ਨੂੰ ਇੱਥੋਂ ਤੱਕ ਲਿਜਾਣਾ ਸੰਸਥਾ ਲਈ ਇੱਕ ਵੱਡਾ ਮਾਰਗਦਰਸ਼ਕ ਹੈ। ਇਸ ਮੌਕੇ ਪਿ੍ਰੰਸੀਪਲ ਡਾ. ਗਗਨਦੀਪ ਪਰਾਸ਼ਰ ਨੇ ਦੱਸਿਆ ਕਿ ਅਨੰਨਿਆ, ਰਮਨਜੋਤ ਕੌਰ, ਪਰਿਆਸ਼ ਸਿੰਗਲਾ ਅਤੇ ਤੋਏਸ਼ ਗਰਗ, ਇਸ ਸਕੂਲ ਦੇ ਅਜਿਹੇ ਚਾਰ ਹੋਣਹਾਰ ਵਿਦਿਆਰਥੀ ਹਨ, ਜਿੰਨਾਂ ਦੀ ਚੋਣ ਇਸਰੋ ਲਈ ਕੀਤੀ ਗਈ ਹੈ। ਉਨ੍ਹਾਂ ਦੱਸਿਆ ਕਿ ਇੰਨ੍ਹਾਂ ਵਿਦਿਆਰਥੀਆਂ ਦਾ ਕੈਂਪ ਇੰਡੀਅਨ ਰਿਮੋਟ ਸੈਂਸਰ ਸੇਟੇਲਾਇਟ ਸੈਂਟਰ ਦੇਹਰਾਦੂਨ ਵਿਖੇ 12 ਮਈ ਤੋਂ 24 ਮਈ ਤੱਕ ਲੱਗੇਗਾ। ਡਾ. ਪਰਾਸ਼ਰ ਨੇ ਦੱਸਿਆ ਕਿ ਇਸ ਪ੍ਰੋਗਰਾਮ ਲਈ ਪੰਜਾਬ ਵਿੱਚੋਂ ਸਿਰਫ 10 ਵਿਦਿਆਰਥੀ ਹੀ ਚੁਣੇ ਗਏ ਸਨ, ਜਿਹਨਾਂ ਵਿੱਚ ਚਾਰ ਵਿਦਿਆਰਥੀ ਸਥਾਨਕ ਸਕੂਲ ਦੇ ਹਨ। ਇਸ ਮੌਕੇ ਏਡੀਸੀ ਮਾਨਸਾ ਅਤੇ ਡੀਈਓ ਭੁਪਿੰਦਰ ਕੌਰ ਨੇ ਵੀ ਬੱਚਿਆਂ ਨੂੰ ਆਸ਼ੀਰਵਾਦ ਦਿੱਤਾ।