ਅਮੁਲਿਆ, ਚੰਡੀਗੜ੍ਹ, 1 ਜੁਲਾਈ
ਚੰਡੀਗੜ੍ਹ ਸਾਹਿਤ ਅਕਾਦਮੀ ਦਾ ਸਾਲਾਨਾ ਇਨਾਮ ਵੰਡ ਸਮਾਗਮ ਸੰਪੰਨ ਹੋ ਗਿਆ ਹੈ। ਇਹ ਪ੍ਰੋਗਰਾਮ ਮਾਨਯੋਗ ਰਾਜਪਾਲ, ਪੰਜਾਬ ਅਤੇ ਪ੍ਰਸ਼ਾਸਕ, ਚੰਡੀਗੜ੍ਹ, ਬਨਵਾਰੀ ਲਾਲ ਪੁਰੋਹਿਤ ਦੀ ਪ੍ਰਧਾਨਗੀ ਹੇਠ ਕਰਵਾਇਆ ਗਿਆ। ਇਹ ਸਮਾਗਮ ਰੰਧਾਵਾ ਆਡੀਟੋਰੀਅਮ, ਪੰਜਾਬ ਕਲਾ ਪ੍ਰੀਸ਼ਦ ਸੈਕਟਰ-16ਬੀ, ਚੰਡੀਗੜ੍ਹ ਵਿਖੇ ਕਰਵਾਇਆ ਗਿਆ। ਪ੍ਰੋਗਰਾਮ ਦੀ ਸ਼ੁਰੂਆਤ ਰਾਸ਼ਟਰੀ ਗੀਤ ਨਾਲ ਹੋਈ। ਰਾਜੀਵ ਵਰਮਾ, ਆਈਏਐਸ, ਪ੍ਰਸ਼ਾਸਕ ਦੇ ਸਲਾਹਕਾਰ, ਯੂਟੀ, ਚੰਡੀਗੜ੍ਹ ਨੇ ਰਾਜਪਾਲ ਨੂੰ ਗੁਲਦਸਤਾ ਭੇਟ ਕੀਤਾ। ਚੰਡੀਗੜ੍ਹ ਸਾਹਿਤ ਅਕਾਦਮੀ ਦੇ ਪ੍ਰਧਾਨ ਮਾਧਵ ਕੌਸ਼ਿਕ ਨੇ ਮੁੱਖ ਮਹਿਮਾਨ ਅਤੇ ਦੂਜੇ ਮਹਿਮਾਨਾਂ ਦਾ ਸਵਾਗਤ ਕੀਤਾ। ਇਸ ਪ੍ਰੋਗਰਾਮ ਵਿੱਚ ਸਾਹਿਤਕਾਰਾਂ ਨੂੰ ਸਨਮਾਨਿਤ ਕੀਤਾ ਗਿਆ। ਰਾਜਪਾਲ ਨੇ ਆਪਣੇ ਸੰਬੋਧਨ ਵਿੱਚ ਹਜ਼ਾਰੀ ਪ੍ਰਸਾਦ ਦਿਵੇਦੀ, ਮੁਨਸ਼ੀ ਪ੍ਰੇਮ ਚੰਦ, ਸੁਭਦਰਾ ਕੁਮਾਰੀ ਚੌਹਾਨ, ਤੁਲਸੀਦਾਸ ਆਦਿ ਦਾ ਵੀ ਜ਼ਿਕਰ ਕੀਤਾ। ਇਸ ਮੌਕੇ ਡਾ ਵਿਨੋਦ ਕੁਮਾਰ, ਵਿਮਲਾ ਗੁਗਲਾਨੀ, ਦਲਜੀਤ ਕੌਰ, ਅਨੰਤ ਸ਼ਰਮਾ, ਰੇਖਾ ਮਿੱਤਲ, ਸ਼ੈਲੀ ਵਿੱਜ, ਅਨੁਰਾਧਾ ਅਗਨੀਹੋਤਰੀ, ਮੰਜੂ ਮਲਹੋਤਰਾ, ਸੰਗੀਤਾ ਸ਼ਰਮਾ, ਸੁਰਿੰਦਰ ਪਾਲ, ਰਜਿੰਦਰ ਕੁਮਾਰ ਸੌਂਧ, ਪਿਊਸ਼ ਕੁਮਾਰ, ਸੁਖਵਿੰਦਰ ਕੌਰ, ਡਾ. ਸ਼ਾਇਰ ਭੱਟੀ, ਮਨਪ੍ਰੀਤ ਸਿੰਘ, ਜਿਗਿਆਸਾ ਖਰਬੰਦਾ, ਵਿਨੋਦ ਖੰਨਾ, ਅਨੀਸ਼ ਗਰਗ, ਅਜੈ ਸਿੰਘ ਰਾਣਾ ਓਮ ਪ੍ਰਕਾਸ਼ ਸੋਂਧੀ, ਨਿਰਮਲ ਜਸਵਾਲ, ਜਸਵਿੰਦਰ ਸ਼ਰਮਾ, ਪ੍ਰੀਤਮ ਡੋਮਲ, ਬਲਵਿੰਦਰ ਚਾਹਲ, ਗੁਰਦੀਪ ਗੁਲ, ਰੇਨੂੰ ਬਹਿਲ ਨੂੰ ਸਮਮਾਨਿਤ ਕੀਤਾ ਗਯਾ। ਮਾਨਯੋਗ ਅਵਾਰਡ 2024 ਵਿੱਚ ਰਾਜਿੰਦਰ ਕੁਮਾਰ ਕਨੌਜੀਆ, ਸੁਮਿਤਾ ਮਿਸ਼ਰਾ, ਪ੍ਰਾਣਨਾਥ ਪੰਕਜ, ਸਵਰਾਜਬੀਰ, ਜ਼ਰੀਨਾ ਨਘਮੀ ਨੂੰ ਚੰਡੀਗੜ੍ਹ ਸਾਹਿਤ ਅਕਾਦਮੀ ਵੱਲੋਂ ਇੱਕ ਯਾਦਗਾਰੀ ਚਿੰਨ੍ਹ ਭੇਟ ਕੀਤਾ ਗਿਆ। ਧੰਨਵਾਦ ਦਾ ਮਤਾ ਚੰਡੀਗੜ੍ਹ ਸਾਹਿਤ ਅਕਾਦਮੀ ਦੇ ਮੀਤ ਪ੍ਰਧਾਨ ਮਨਮੋਹਨ ਸਿੰਘ ਨੇ ਦਿੱਤਾ। ਇਸ ਮੌਕੇ ਸੁਭਾਸ਼ ਭਾਸਕਰ, ਪ੍ਰੇਮ ਵਿੱਜ, ਕੇਕੇ ਸ਼ਾਰਦਾ, ਰਾਜੇਸ਼ ਸ਼ਰਮਾ ਆਦਿ ਵੀ ਹਾਜ਼ਰ ਸਨ।