ਸੁਖਵਿੰਦਰ ਸਿੰਘ ਭਾਦਲਾ ਪਰਮਿੰਦਰ ਸਿੰਘ ਮੋਨੂੰ
ਖੰਨਾ 03 ਅਕਤੂਬਰ:-
ਅੱਜ ਪੁਲਿਸ ਜਿਲਾ ਖੰਨਾ ਦੀ ਐਸਐਸਪੀ ਅਸ਼ਵੀਨੀ ਗੋਟਿਆਲ ਨੇ ਪ੍ਰੈਸ ਕਾਨਫਰੰਸ ਕਰਕੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਖੰਨਾ ਪੁਲਿਸ ਵੱਲੋਂ ਬੀਤੀ ਰਾਤ ਹੋਏ ਇੱਕ ਬਜ਼ੁਰਗ ਔਰਤ ਦੇ ਕਾਤਲ ਦੀ ਗੁੱਥੀ ਨੂੰ ਕੁਝ ਹੀ ਘੰਟਿਆਂ ਵਿੱਚ ਸਮਝਾ ਲੈਣ ਦਾ ਦਾਅਵਾ ਕੀਤਾ ਗਿਆ। ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਮਾੜੇ ਅਨਸਰਾਂ ਨੂੰ ਕਾਬੂ ਕਰਨ ਲਈ ਚਲਾਈ ਮੁਹਿੰਮ ਅਧੀਨ ਐਸ ਪੀ (ਆਈ ) ਸੌਰਵ ਜਿੰਦਲ ਦੀ ਅਗਵਾਈ ਵਿੱਚ ਡੀ ਐਸ ਪੀ ਖੰਨਾ ਅੰਮ੍ਰਿਤ ਪਾਲ ਸਿੰਘ , ਡੀਐਸਪੀ (ਡੀ) , ਇਨਚਾਰਜ ਸੀਆਈਏ ਸਟਾਫ ਖੰਨਾ, ਅਤੇ ਐਸਐਚਓ ਸਿਟੀ 2 ਦੀ ਪੁਲਿਸ ਵੱਲੋਂ ਬੀਤੀ ਰਾਤ ਇੱਕ ਬਜ਼ੁਰਗ ਔਰਤ ਦੇ ਕਾਤਲ ਦੀ ਗੁਥੀ ਨੂੰ ਕੁਝ ਘੰਟਿਆਂ ਵਿੱਚ ਹੀ ਸੁਲਝਾ ਕੇ ਕਥਿਤ ਦੋਸਣ ਕਾਤਲ ਸਮੇਂ ਲੁੱਟੇ ਗਏ ਸੋਨੇ ਦੇ ਗਹਿਣੇ 45 ਰੁਪਏ ਨਗਦੀ ਸਮੇਤ ਗਿ੍ਰਫਤਾਰ ਕਰਨ ਦਾ ਦਾਅਵਾ ਕੀਤਾ ਹੈ। ਅੱਜ ਸਵੇਰੇ ਭਾਰਤ ਕੌਸਲ ਪੁੱਤਰ ਸਿਆਮ ਸੁੰਦਰ ਵਾਸੀ ਮਕਾਨ ਨੰਬਰ 307 ਵਾਰਡ ਨੰਬਰ 20 ਨੇੜੇ ਰਾਣੀ ਤਲਾਬ ਖੰਨਾ ਜ਼ਿਲ੍ਹਾ ਲੁਧਿਆਣਾ ਨੇ ਖੰਨਾ ਪੁਲਿਸ ਨੂੰ ਦੇ ਥਾਣਾ ਸਿਟੀ 2 ਵਿੱਚ ਆ ਕੇ ਬਿਆਨ ਦਰਜ ਕਰਵਾਇਆ ਜਿਸ ਵਿੱਚ ਉਸਨੇ ਦੱਸਿਆ ਕਿ ਉਹ ਤੇ ਉਸ ਦਾ ਭਰਾ ਕਰਨ ਕੌਂਸਲ ਕੰਮ ਕਾਰ ਦੇ ਸੰਬੰਧ ਵਿੱਚ ਰੋਜਾਨਾ ਦੇ ਰਾਤ 11:30 ਵਜੇ ਦੇ ਕਰੀਬ ਘਰੇ ਆਉਂਦੇ ਹਨ । ਇਸ ਦੌਰਾਨ ਉਹਨਾਂ ਦੀ ਮਾਤਾ ਕਮਲੇਸ਼ ਰਾਤ ਸਾਡੇ ਘਰ ਵਿੱਚ ਇਕੱਲੀ ਹੀ ਰਹਿੰਦੀ ਹੈ। ਸਾਡੇ ਘਰ ਵਿੱਚ ਧੋਬੀਆਂ ਵਾਲੇ ਮਹੱਲੇ ਵਿੱਚ ਰਹਿੰਦੀ ਔਰਤ ਸ਼ਾਨ ਅਬਾਸ ਪਤਨੀ ਅਹਿਮਦ ਅਬਾਸ ਨਾਲ ਸਾਡੀ ਮਾਤਾ ਦਾ ਬਹੁਤ ਸਹਿਚਾਰਿ ਸੀ। ਸਾਨ ਆਬਸ ਸਾਡੀ ਮਾਤਾ ਕੋਲ ਅਕਸਰ ਆਉਂਦੀ ਜਾਂਦੀ ਰਹਿੰਦੀ ਸੀ ।ਸਾਨ ਆਬਸ ਤੋਂ ਬਿਨਾਂ ਸਾਡੇ ਘਰ ਵਿੱਚ ਹੋਰ ਕਿਸੇ ਦਾ ਵੀ ਆਉਣਾ ਜਾਣਾ ਨਹੀਂ ਸੀ। ਬੀਤੀ ਰਾਤ ਜਦੋਂ ਅਸੀਂ ਦੋਵੇਂ ਭਰਾ ਆਪਣੇ ਕੰਮ ਤੋਂ ਵਾਪਸ ਆਏ ਤਾਂ ਸਾਡੇ ਘਰ ਦਾ ਬਾਹਰਲਾ ਦਰਵਾਜ਼ਾ ਖੁੱਲਾ ਸੀ । ਜਦੋਂ ਅਸੀਂ ਬੈਡਰੂਮ ਵਿੱਚ ਗਏ ਤਾਂ ਦੇਖਿਆ ਸਾਡੀ ਮਾਤਾ ਖੂਨ ਨਾਲ ਲੱਥਪੱਥ ਹੋਈ ਪਈ ਸੀ ।ਅਤੇ ਉਸਦੀ ਮੌਤ ਹੋ ਚੁੱਕੀ ਸੀ। ਸਾਡੀ ਮਾਤਾ ਦੇ ਪਹਿਨੇ ਹੋਏ ਗਹਿਣੇ ਸਾਡੇ ਘਰ ਵਿੱਚ ਪਏ 35 ਤੋਂ 40 ਹਜਾਰ ਰੁਪਏ ਅਤੇ ਸਾਡੀ ਮਾਤਾ ਦਾ ਮੋਬਾਇਲ ਫੋਨ ਗ਼ਾਇਬ ਸੀ। ਇਹ ਲੁੱਟ ਅਤੇ ਸਾਡੀ ਮਾਤਾ ਦਾ ਕਾਤਲ ਸਾਨ ਆਬਸ ਨੇ ਹੀ ਕੀਤਾ ਹੈ । ਇਹ ਸੂਚਨਾ ਮਿਲਦੇ ਸਾਰ ਹੀ ਥਾਣਾ ਸਿਟੀ 2 ਦੀ ਪੁਲਿਸ ਵੱਲੋਂ ਮੁਕਦਮਾ ਦਰਜ ਕਰਕੇ ਤਫਤੀਸ ਅਮਲ ਵਿੱਚ ਲਿਆਂਦੀ ਗਈ। ਮੌਕਾ ਵਾਰਦਾਤ ਤੇ ਸੀਨੀਅਰ ਅਫਸਰਾਂ ਵੱਲੋਂ ਮੌਕੇ ਦਾ ਜਾਇਜ਼ਾ ਲਿਆ ਗਿਆ । ਮੁਕਦਮੇ ਦੀ ਤਫਤੀਸ ਦੌਰਾਨੇ ਵੱਖ-ਵੱਖ ਪੁਲਿਸ ਟੀਮਾਂ ਬਣਾ ਕੇ ਕਥਿਤ ਦੋਸਣ ਦੀ ਭਾਲ ਕੀਤੀ ਗਈ। ਦੌਰਾਨੇ ਤਫ਼ਤੀਸ਼ ਕਥਿਤ ਦੋਸਣ ਸ਼ਾਨ ਆਬਸ ਪਤਨੀ ਅਹਿਮਦ ਅਬਾਸ ਵਾਸੀ ਸੁਨਿਆਰਾ ਬਾਜ਼ਾਰ ਧੋਬੀਆਂ ਵਾਲਾ ਮਹੱਲਾ ਖੰਨਾ ਜਿਲ ਲੁਧਿਆਣਾ ਨੂੰ ਗਿ੍ਰਫਤਾਰ ਕਰਕੇ ਉਸ ਪਾਸੋਂ ਲੁੱਟੇ ਸੋਣੇ ਦੇ ਗਹਿਣੇ 4500 ਰੁਪਏ ਨਗਦ ਬਰਾਮਦ ਕੀਤੇ ਗਏ । ਉਕਤ ਦੋਸ਼ਣ ਤੋਂ ਡੁੰਘਾਈ ਨਾਲ ਪੂਛਗਿਛ ਪੁਲਿਸ ਜਾਰੀ ਹੈ।