ਚੌਧਰੀ ਮਨਸੂਰ ਘਨੋਕੇ
ਕਾਦੀਆਂ/2 ਨਵੰਬਰ
ਬੀਤੀ ਰਾਤ ਮੁਹੱਲਾ ਅਕਾਲਗੜ੍ਹ ਸਥਿਤ ਇੱਕ ਮਕਾਨ ਵਿੱਚ ਅੱਗ ਲੱਗਣ ਕਾਰਨ ਲੱਖਾਂ ਰੁਪਏ ਦਾ ਨੁਕਸਾਨ ਹੋ ਗਿਆ। ਇਸ ਸਬੰਧ ਵਿੱਚ ਜਾਣਕਾਰੀ ਦਿੰਦੇ ਹੋਏ ਮਕਾਨ ਮਾਲਕਣ ਸ਼੍ਰੀਮਤੀ ਰਮਨ ਬਾਲਾ ਪਤਨੀ ਸਵਰਗਵਾਸੀ ਅਸ਼ਵਨੀ ਮਹਾਜਨ ਵਾਸੀ ਮੁਹੱਲਾ ਅਕਾਲਗੜ੍ਹ ਕਾਦੀਆਂ ਨੇ ਦੱਸਿਆ ਕਿ ਰਾਤ 12 ਵਜੇ ਉਹ ਆਪਣੇ ਘਰ ਦੀ ੳਪਰੀ ਮੰਜ਼ਿਲ ਵਿੱਚ ਜਾ ਕੇ ਸੋ ਗਈ। ਉਸ ਨੂੰ ਰਾਤ 4 ਵਜੇ ਗੰਵਾਡਿਆ ਦਾ ਫ਼ੋਨ ਆਇਆ ਕਿ ਹੇਠਲੇ ਫ਼ਲੋਰ ਦੇ ਕਮਰੇ ਤੋਂ ਧੂੰਆਂ ਨਿਕਲ ਰਿਹਾ ਹੈ। ਜਿਸ ਤੇ ਗਵਾਂਡਿਆ ਦੀ ਮਦਦ ਨਾਲ ਪਹਿਲਾਂ ਉਸ ਨੂੰ ਘਰ ਵਿੱਚੋਂ ਕੱਢਿਆ ਗਿਆ। ਲਗਪਗ ਦੋ ਘੰਟੇ ਦੀ ਮਸੱLਕਤ ਬਾਅਦ ਅੱਗ ਤੇ ਕਾਬੂ ਪਾਇਆ ਜਾ ਸਕਿਆ। ਇਸ ਹਾਦਸੇ ਵਿੱਚ ਉਸ ਦੇ ਘਰ ਦਾ ਕੀਮਤੀ ਸਾਮਾਨ ਸੜ ਕੇ ਸੁਆਹ ਹੋ ਗਿਆ। ਉਸ ਦਾ ਲਗਪਗ ਦੋ ਲੱਖ ਰੁਪਏ ਦਾ ਨੁਕਸਾਨ ਹੋਇਆ। ਅੱਗ ਦੇ ਕਾਰਨਾਂ ਦਾ ਪਤਾ ਨਹੀਂ ਚੱਲ ਸਕਿਆ। ਇਹ ਹਾਦਸਾ ਦੀਵਾਲੀ ਦੀ ਰਾਤ ਨੂੰ ਵਾਪਰਿਆ।