ਚੰਡੀਗੜ੍ਹ, 21 ਫਰਵਰੀ -
ਹਰਿਆਣਾ ਦੇ ਰਾਜ ਚੋਣ ਕਮਿਸ਼ਨਰ ਸ੍ਰੀ ਧਨਪਤ ਸਿੰਘ ਨੇ ਕਿਹਾ ਕਿ ਪਾਣੀਪਤ ਨਗਰ ਨਿਗਮ ਦੀ ਵਾਰਡ ਵਾਇਜ ਵੋਟਰ ਲਿਸਟ ਦਾ ਆਖੀਰੀ ਪ੍ਰਕਾਸ਼ਨ 19 ਫਰਵਰੀ ਨੂੰ ਕਰ ਦਿੱਤਾ ਗਿਆ ਹੈ। ਇਹ ਲਿਸਟ ਪਾਣੀਪਤ ਜਿਲ੍ਹਾ ਪ੍ਰਸਾਸ਼ਨ ਦੀ ਵੈਬਸਾਇਟ panipat.gov.in 'ਤੇ ਉਪਲਬਧ ਹੈ। ਸਬੰਧਿਤ ਵੋਟਰ ਆਪਣਾ ਨਾਂਅ ਇਸ ਵੋਟਰ ਲਿਸਟ ਵਿਚ ਦੇਖ ਸਕਦੇ ਹਨ।
ਰਾਜ ਚੋਣ ਕਮਿਸ਼ਨਰ ਸ੍ਰੀ ਧਨਪਤ ਸਿੰਘ ਨੇ ਦਸਿਆ ਕਿ ਅਜਿਹੇ ਵਿਅਕਤੀ ਜਿਨ੍ਹਾਂ ਦਾ ਨਾਂਅ ਵਿਧਾਨਸਭਾ ਚੋਣ ਖੇਤਰ ਦੀ ਵੋਟਰ ਲਿਸਟ ਵਿਚ ਹੈ ਪਰ ਨਗਰ ਨਿਗਮ ਦੀ ਵਾਰਡ ਵਾਇਜ ਆਖੀਰੀ ਪ੍ਰਕਾਸ਼ਿਤ ਲਿਸਟ ਵਿਚ ਸ਼ਾਮਿਲ ਨਹੀਂ ਹੈ ਉਹ ਵਿਅਕਤੀ ਫਾਰਮ ਏ ਭਰ ਕੇ ਰਿਟਰਨਿੰਗ ਅਧਿਕਾਰੀ ਦੇ ਕੋਲ ਨਾਮਜਦਗੀ ਭਰਨ ਦੇ ਆਖੀਰੀ ਦਿਨ ਤੱਕ ਯਾਨੀ 27 ਫਰਵਰੀ, 2025 ਤੱਕ ਵੋਟਰ ਲਿਸਟ ਵਿਚ ਆਪਣਾ ਨਾਂਅ ਦਰਜ ਕਰਵਾ ਸਕਦਾ ਹੈ।
ਉਨ੍ਹਾਂ ਨੇ ਅੱਗੇ ਇਹ ਵੀ ਦਸਿਆ ਕਿ ਨਾਮਜਦਗੀ ਦਾਖਲ ਕਰਨ ਦੇ ਆਖੀਰੀ ਦਿਨ ਆਪਣਾ ਨਾਂਅ ਦਰਜ ਕਰਵਾਉਣ ਵਾਲੇ ਵਿਅਕਤੀਆਂ ਵਿੱਚੋਂ ਜੇਕਰ ਕੋਈ ਵਿਅਕਤੀ ਚੋਣ ਲੜਨਾ ਚਾਹੁੰਦਾ ਹੈ ਤਾਂ ਉਸ ਨੂੰ ਨਾਮਜਦਗੀ ਭਰਨ ਦੀ ਮੰਜੂਰੀ ਦਿੱਤੀ ਜਾਵੇਗੀ। ਰਿਟਰਨਿੰਗ ਅਧਿਕਾਰੀ ਨਾਮਜਦਗੀ ਕਰਨ ਦੀ ਆਖੀਰੀ ਮਿੱਤੀ ਤੱਕ ਵੋਟਰ ਲਿਸ ਵਿਚ ਨਾਂਅ ਸ਼ਾਮਿਲ ਕਰਨ ਲਈ ਸਮਰੱਥ ਅਧਿਕਾਰੀ ਹੋਵੇਗਾ। ਰਿਟਰਨਿੰਗ ਅਧਿਕਾਰੀ ਵੱਲੋਂ ਦਿੱਤਾ ਗਿਆ ਫੈਸਲਾ ਆਖੀਰੀ ਹੋਵੇਗਾ।