ਨੰਗਲ, 2 ਅਪ੍ਰੈਲ (ਸਤਨਾਮ ਸਿੰਘ)
ਆਮ ਵੇਖਣ ਨੂੰ ਮਿਲ ਜਾਂਦਾ ਹੈ ਕਿ ਓਵਰਲੋਡ ਗੱਡੀਆਂ ਨਾਲ ਜਿੱਥੇ ਸੜਕੀ ਹਾਦਸੇ ਵਾਪਰ ਰਹੇ ਹਨ ਉੁਥੇ ਹੀ ਸੜਕਾਂ ਦੀ ਹਾਲਤ ਵੀ ਬੱਦ ਤੋਂ ਬੱਦਤਰ ਹੁੰਦੀ ਜਾ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ 31 ਮਾਰਚ ਦਿਨ ਸੋਮਵਾਰ ਨੂੰ ਸੰਗਰੂਰ ਤੋਂ ਨੰਗਲ ਨੂੰ ਜਦੋਂ ਇੱਟਾਂ ਦਾ ਭਰਿਆ ਟੱਰਕ ਆ ਰਿਹਾ ਸੀ ਤਾਂ ਮੋਜੋਵਾਲ ਪਿੰਡ ਸਵੇਰੇ 9 ਅਚਾਨਕ ਗਲੀ ਦੀ ਸੜਕ ਧੱਸ ਗਈ। ਜਿਸ ਨਾਲ ਟੱਰਕ ਦੋ ਪਲਟੀਆਂ ਖਾਂਦਾ ਹੋਇਆ ਤੀਜੀ ਪਲਟੀ ਤੇ ਜਾ ਕੇ ਰੁੱਕਿਆ। ਜਿਸਨੂੰ 1 ਅਪ੍ਰੈਲ ਦੇਰਾ ਰਾਤ ਤੱਕ ਕਾਫੀ ਮੁਸ਼ਕਤ ਤੋਂ ਬਾਅਦ 2 ਵੱਡੀਆਂ ਹੈਡਰਾ ਮਸੀਨਾਂ ਲਗਾ ਕੇ ਧੱਸੀ ਸੜਕ ਵਿਚੋਂ ਬਾਹਰ ਕੱਡਿਆ ਗਿਆ। ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦਿਆਂ ਮੌਕੇ ਤੇ ਮੌਜੂਦ ਕਰਨ ਸੈਣੀ ਉਰਫ ਫੌਜੀ ਨੇ ਕਿਹਾ ਕਿ ਹਾਦਸਾ ਵੇਖ ਸਭ ਹੈਰਾਨ ਹੋ ਗਏ ਸੀ। ਗੱਡੀ ਵਿੱਚ ਚਾਲਕ ਸਣੇ 6 ਲੋਕ ਸਵਾਰ ਸੀ। ਜਿਨ੍ਹਾਂ ਨੂੰ ਟੱਰਕ ਦਾ ਸ਼ੀਸ਼ਾ ਤੋੜ ਕੇ ਬਾਹਰ ਸੁਰੱਖਿਅਤ ਕੱਢਿਆ ਗਿਆ। ਉਨ੍ਹਾਂ ਦੱਸਿਆ ਕਿ ਗੁਪਤਾ ਮਾਰਕਾ ਇੱਟਾਂ ਦੇ ਟੱਰਕ ਨਾਲ ਇਹ ਹਾਦਸਾ ਵਾਪਰਿਆ ਹੈ। ਕਾਫੀ ਮੁਸ਼ਕਤ ਤੋਂ ਬਾਅਦ 2 ਹੈਡਰਾ ਮਸ਼ੀਨਾ ਮੰਗਵਾ ਕੇ ਉਕਤ ਇੱਕਟਾਂ ਦੇ ਭਰੇ ਟੱਰਕ ਨੂੰ ਦੇਰ ਰਾਤ ਬਾਹਰ ਕੱਢਿਆ ਗਿਆ ਹੈ
ਇਲਾਕੇ ਦੇ ਬੁੱਧੀਜੀਵੀਆਂ ਤੇ ਸਮਾਜ ਸੇਵੀਆਂ ਨੇ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਓਵਰਲੋਡ ਗੱਡੀਆਂ ਦੀ ਚੈਕਿੰਗ ਕੀਤੀ ਜਾਵੇ ਤੇ ਜੇਕਰ ਦੋਸ਼ੀ ਪਾਇਆ ਜਾਂਦਾ ਹੈ ਤਾਂ ਉਸ ਖਿਲਾਫ ਬਣਦੀ ਕਾਰਵਾਈ ਵੀ ਅਮਲ ਵਿੱਚ ਲਿਆਉਣੀ ਚਾਹੀਦੀ ਹੈ। ਕਿਉਂਕਿ ਬੀਤੇ ਹੀ ਦਿਨ ਪ੍ਰਾਈਮੋ ਚੌਂਕ ਨਯਾ ਨੰਗਲ ਇੱਕ ਓਵਰਲੋਡ ਬਜਰੀ ਦੇ ਪਲਟੇ ਟਰਾਲੇ ਨੇ ਨੰਗਲ ਨਗਰ ਕੌਂਸਲ ਦੀ ਪ੍ਰਾਪਰਟੀ ਦਾ ਕਾਫੀ ਨੁਕਸਾਨ ਕੀਤਾ ਸੀ। ਮੌਕੇ ਤੇ ਪਹੁੰਚੇ ਐਨਐਫਐਲ ਅਧਿਕਾਰੀਆਂ ਨੇ ਪੁਸ਼ਟੀ ਕੀਤੀ ਸੀ ਕਿ ਉਕਤ ਏਰੀਆ ਦਾ ਕੇਂਦਰ ਅਦਾਰੇ ਅਧੀਨ ਆਉਂਦਾ ਹੈ ਪਰ ਇਹ ਨੁਕਸਾਨੀ ਗਈ ਪ੍ਰਾਪਰਟੀ ਨਗਰ ਕੌਂਸਲ ਨੰਗਲ ਦੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਕੌਂਸਲ ਵੱਲੋਂ ਕੋਈ ਵੀ ਕਾਰਵਾਈ ਨਹੀਂ ਕੀਤੀ ਗਈ ਸੀ ਤੇ ਰਾਹਗੀਰਾਂ ਦੀ ਸੁਵਿਧਾ ਲਈ ਉਕਤ ਟਰਾਲੇ ਵੱਲੋਂ ਤੋੜਿਆ ਗਿਆ ਸਾਈਨ ਬੋਰਡ ਅੱਜ ਵੀ ਮਾੜੀ ਹਾਲਤ ਵਿੱਚ ਸੜਕ ਕੰਡੇ ਹੀ ਪਿਆ ਵੇਖਿਆ ਜਾ ਸਕਦਾ ਹੈ।