ਨੰਗਲ, 27 ਅਪ੍ਰੈਲ (ਸਤਨਾਮ ਸਿੰਘ) : ਅੱਜ ਸਵੇਰੇ ਨੰਗਲ ਨਗਰ ਕੌਂਸਲ ਅਧੀਂਨ ਪੈਂਦੇ ਵਾਰਡ ਨੰਬਰ 2 ਵਿੱਚ ਇੱਕ ਬਹੁਤ ਦੀ ਦੁਖਦਾਈ ਘਟਨਾ ਵਾਪਰੀ। ਇੱਕ ਸਵਾ ਸਾਲ ਦੇ ਬੱਚੇ ਦੀ ਪਾਣੀ ਦੀ ਬਾਲਟੀ ਵਿੱਚ ਡੁੱਬ ਕੇ ਦਰਦਨਾਕ ਹੋ ਗਈ। ਜਿਸਨੂੰ ਲੈ ਕੇ ਪੂਰੇ ਇਲਾਕੇ ਵਿੱਚ ਸੋਗ ਦੀ ਲਹਿਰ ਹੈ। ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦਿਆਂ ਵਾਰਡ ਦੇ ਕੌਂਸਲਰ ਅਤੇ ਕੌਂਸਲ ਪ੍ਰਧਾਨ ਸੰਜੇ ਸਾਹਨੀ ਨੇ ਕਿਹਾ ਕਿ ਜਿਸ ਬੱਚੇ ਦੀ ਮੌਤ ਹੋਈ ਹੈ, ਉਸਦੇ ਪਿਤਾ ਦਾ ਨਾਮ ਗੋਲਡੀ ਪੁਰੀ ਹੈ, ਜੋ ਕਿ ਬਹੁਤ ਨੇਕ ਇਨਸਾਨ ਹੈ। ਹਾਲੇ 2 ਕੁ ਮਹੀਨੇ ਪਹਿਲਾਂ ਹੀ ਪਰਿਵਾਰ ਨੇ ਬੱਚੇ ਦਾ ਜਨਮ ਦਿਨ ਮਨਾ ਕੇ ਖ਼ੁਸ਼ੀਆਂ ਸਾਂਝੀਆਂ ਕੀਤੀਆਂ ਸੀ ਪਰ ਅੱਜ ਪਰਿਵਾਰ ਤੇ ਦੁੱਖਾਂ ਦਾ ਪਹਾੜ ਟੁੱਟ ਗਿਆ ਹੈ। ਮੌਕੇ ਤੇ ਮੌਜੂਦ ਲੋਕਾਂ ਨੇ ਬੱਚੇ ਦਾ ਨਾਮ ਵਾਰਿਸ ਦੱਸਿਆ ਤੇ ਕਿਹਾ ਕਿ ਸਵਾ ਸਾਲ ਦਾ ਵਾਰਿਸ ਜਦੋਂ ਖੇਡਦਾ ਖੇਡਦਾ ਬਾਥਰੂਮ ‘ਚ ਚਲਾ ਗਿਆ ਤਾਂ ਕਿਸੇ ਨੂੰ ਕੁਝ ਪਤਾ ਨਹੀਂ ਲੱਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਜਿਵੇਂ ਉਹ ਕੋਈ ਲੈਣ ਲਈ ਬਾਲਟੀ ‘ਚ ਵੇਖਣ ਲੱਗਿਆ ਤਾਂ ਉਹ ਸਿਰ ਭਾਰ ਪਾਣੀ ਦੀ ਬਾਲਟੀ ਵਿੱਚ ਹੀ ਪਿਆ ਰਿਹਾ। ਘਰ ਦੀ ਇੱਕ ਛੋਟੀ ਲੜਕੀ ਕੁਝ ਸਮੇਂ ‘ਚ ਬਾਥਰੂਮ ਗਈ ਤਾਂ ਪਤਾ ਲੱਗਿਆ ਉਹ ਬਾਲਟੀ ਵਿੱਚ ਮੂੰਹ ਭਾਰ ਡਿੱਗਿਆ ਪਿਆ ਸੀ। ਪਰਿਵਾਰ ਮੈਂਬਰ ਬੱਚੇ ਨੂੰ ਬੀਬੀਐੱਮਬੀ ਹਸਪਤਾਲ ਲੈ ਗਏ ਪਰ ਡਾਕਟਰਾਂ ਵੱਲੋਂ ਉਸਨੂੰ ਮਿ੍ਰਤਕ ਕਰਾਰ ਦੇ ਦਿੱਤਾ ਗਿਆ। ਪ੍ਰਧਾਨ ਸਾਹਨੀ ਲੋਕਾਂ ਦੇ ਮਾਪਿਆਂ ਨੂੰ ਅਪੀਲ ਕੀਤੀ ਕਿ ਉਹ ਆਪਣੇ ਛੋਟੇ ਛੋਟੇ ਬੱਚਿਆਂ ਨੂੰ ਸੰਭਾਲ ਕਟ ਰੱਖਣ ਕਿਉਂਕਿ ਉਨ੍ਹਾਂ ਦੇ ਹੀ ਵਾਰਡ ਵਿੱਚ ਇਹ ਦੂਜੀ ਘਟਨਾ ਹੈ। ਦੱਸਣਯੋਗ ਹੈ ਕਿ ਕਰੀਬ 2 ਮਹੀਨੇ ਪਹਿਲਾਂ ਵੀ ਤਹਿਸੀਲ ਨੰਗਲ ਅਧੀਂਨ ਪੈਂਦੇ ਪਿੰਡ ਸਵਾਮੀਪੁਰ ਵਿੱਚ ਵੀ ਡੇਢ ਸਾਲਾਂ ਬੱਚੇ ਦੀ ਇਸੇ ਤਰ੍ਹਾਂ ਪਾਣੀ ਦੀ ਬਾਲਟੀ ਵਿੱਚ ਡੁੱਬਣ ਕਰਕੇ ਮੌਤ ਹੋ ਗਈ ਸੀ। ਜਿਸਦੀ ਜਾਣਕਾਰੀ ਉਸਦੇ ਚਾਚਾ ਵੱਲੋਂ ਖ਼ੁਦ ਪੱਤਰਕਾਰਾਂ ਨੂੰ ਅੱਜ ਦੀ ਘਟਨਾ ਸਮੇਂ ਹੀ ਦਿੱਤੀ ਗਈ।