ਸ੍ਰੀ ਫ਼ਤਹਿਗੜ੍ਹ ਸਾਹਿਬ/ 22 ਜੁਲਾਈ:
(ਰਵਿੰਦਰ ਸਿੰਘ ਢੀਂਡਸਾ)
ਵੱਕਾਰੀ ਵਿਦਿਅਕ ਸੰਸਥਾ ਵਜੋਂ ਜਾਣੇ ਜਾਂਦੇ ਬਾਬਾ ਬੰਦਾ ਸਿੰਘ ਬਹਾਦਰ ਇੰਜਨੀਅਰਿੰਗ ਕਾਲਜ, ਫਤਹਿਗੜ੍ਹ ਸਾਹਿਬ ਵਿਖੇ ਅੱਜ ਅਕੈਡਮਿਕ ਬੈਚ 2024 ਦੇ ਵਿਦਿਆਰਥੀਆਂ ਲਈ ਓਰੀਐਂਟੇਸ਼ਨ ਪ੍ਰੋੋਗਰਾਮ ਦੀ ਸ਼ੁਰੂਆਤ ਬੜੇ ਉਤਸ਼ਾਹ ਨਾਲ ਕੀਤੀ ਗਈ। ਪ੍ਰਿੰਸੀਪਲ ਡਾ. ਲਖਵੀਰ ਸਿੰਘ ਵਲੋਂ ਕਾਲਜ ਵਿੱਚ ਵਿਚ ਦਾਖਲਾ ਲੈਣ ਵਾਲੇ ਵਿਦਿਆਰਥੀਆਂ ਨੂੰ ਵਧਾਈ ਦਿੰਦੇ ਹੋਏ ਵਿਦਿਆਰਥੀਆਂ ਦਾ ਅਤੇ ਉਨਾਂ ਦੇ ਮਾਪਿਆਂ ਦਾ ਸਵਾਗਤ ਕੀਤਾ ਗਿਆ।ਪ੍ਰਿੰਸੀਪਲ ਨੇ ਵਿਦਿਆਰਥੀਆਂ ਅਤੇ ਉਨਾਂ ਦੇ ਮਾਪਿਆਂ ਨੂੰ ਸ੍ਰੀ ਫਤਹਿਗੜ੍ਹ ਸਾਹਿਬ ਦੀ ਇਤਿਹਾਸਕ ਮਹੱਤਤਾ ਅਤੇ ਬੀ.ਬੀ.ਐਸ.ਬੀ.ਈ.ਸੀ. ਦੀ ਮਾਣਮੱਤੀ ਅਕਾਦਮਿਕ ਵਿਰਾਸਤ ਤੋਂ ਜਾਣੂ ਕਰਵਾਇਆ।ਡਾ: ਅੰਮ੍ਰਿਤਬੀਰ ਸਿੰਘ ਨੇ ਕਾਲਜ ਵਿੱਚ ਨਵੇਂ ਦਾਖਲ ਹੋਏ ਵਿਦਿਆਰਥੀਆਂ ਨੂੰ ਇੰਜਨੀਅਰਿੰਗ ਨਾਲ ਸਬੰਧਤ ਅਕਾਡਮਿਕ ਢਾਂਚੇ ਬਾਰੇ ਜਾਣਕਾਰੀ ਦਿੱਤੀ। ਪ੍ਰੋਗਰਾਮ ਦਾ ਆਯੋਜਨ ਪ੍ਰੋ: ਬਿਕਰਮਜੀਤ, ਡਾ: ਸਰਬਜੀਤ ਕੌਰ, ਪ੍ਰੋ: ਮੋਹਿੰਦਰਪਾਲ ਕੌਰ ਰੇਖੀ, ਡਾ: ਜਸਲੀਨ ਕੌਰ, ਪ੍ਰੋੋ: ਅਮਰਜੀਤ ਸਿੰਘ, ਪ੍ਰੋੋ: ਗਗਨਦੀਪ ਸਿੰਘ ਅਤੇ ਵੱਖ-ਵੱਖ ਵਿਭਾਗਾਂ ਦੇ ਫੈਕਲਟੀ ਵੱਲੋਂ ਕੀਤਾ ਗਿਆ, ਜਿਸ ਦਾ ਉਦੇਸ਼ ਵਿਦਿਆਰਥੀਆਂ ਨੂੰ ਕਾਲਜ ਦੇ ਅਕਾਦਮਿਕ ਸੱਭਿਆਚਾਰ ਤੋਂ ਜਾਣੂ ਕਰਵਾਉਣਾ ਸੀ। ਇਸ ਸਮਾਗਮ ਵਿੱਚ ਉਚੇਚੇ ਤੌਰ ਤੇ ਸ਼ਾਮਿਲ ਹੋਏ ਕਾਲਜ ਦੇ ਸਾਬਕਾ ਵਿਦਿਆਰਥੀ ਮੁਬਾਰਕ ਸੰਧੂ ਜੋ ਕਿ ਇੱਕ ਸਫ਼ਲ ਉੱਦਮੀ, ਪ੍ਰਸਿੱਧ ਲੇਖਕ ਅਤੇ ਐਂਕਰ ਵੀ ਹਨ ਨੇ ਨਵੇਂ ਵਿਦਿਆਰਥੀਆਂ ਨੂੰ ਦੱਸਿਆ ਕਿ ਇਸ ਮਹਾਨ ਵਿਦਿਅਕ ਸੰਸਥਾ ਵਿੱਚੋਂ ਬਤੌਰ ਵਿਦਿਆਰਥੀ ਜੋ ਕੁਝ ਉਹਨਾਂ ਨੇ ਹਾਸਲ ਕੀਤਾ ਉਸ ਦਾ ਉਹਨਾਂ ਨੂੰ ਇਸ ਮੁਕਾਮ ਤੱਕ ਪਹੁੰਚਾਉਣ ਵਿੱਚ ਵੱਡਾ ਰੋਲ ਹੈ। ਮੁਬਾਰਕ ਸੰਧੂ ਨੇ ਕਿਹਾ ਕਿ ਵੱਡੇ ਟੀਚਿਆਂ ਨੂੰ ਹਾਸਿਲ ਕਰਨ ਲਈ ਪੜ੍ਹਾਈ ਦੌਰਾਨ ਜਾਬਤੇ ਵਿੱਚ ਰਹਿਣਾ ਬੇਹਦ ਜਰੂਰੀ ਹੁੰਦਾ ਹੈ।ਓਰੀਐਂਟੇਸ਼ਨ ਪ੍ਰੋੋਗਰਾਮ ਦੋਰਾਨ ਫੋਟੋਗ੍ਰਾਫੀ ਅਤੇ ਵੀਡੀਓ ਕਵਰੇਜ ਪ੍ਰੋ. ਪਲਵਿੰਦਰ ਸਿੰਘ, ਵਲੋਂ ਕੀਤੀ ਗਈ।ਓਰੀਐਂਟੇਸ਼ਨ ਪ੍ਰੋੋਗਰਾਮ ਦੇ ਪਹਿਲੇ ਦਿਨ ਦੀ ਸਮਾਪਤੀ ਇੱਕ ਕੈਂਪਸ ਖੋਜ ਸੈਸ਼ਨ ਦੇ ਨਾਲ ਹੋਈ। ਕੈਂਪਸ ਵਿੱਚ ਵਿਦਿਆਰਥੀ ਸੈਲਫੀਆਂ ਲੈ ਕੇ ਲੈ ਕੇ ਇਹਨਾਂ ਯਾਦਗਾਰੀ ਪਲਾਂ ਨੂੰ ਕੈਪਚਰ ਕਰਦੇ ਨਜ਼ਰ ਆਏ।ਇਸ ਮੌਕੇ ਡਾ. ਲਖਵਿੰਦਰ ਸਿੰਘ,ਡੀਨ ਅਕੈਡਮਿਕ, ਡਾ.ਏ.ਪੀ.ਐਸ. ਸੇਠੀ,ਡੀਨ ਸਟੂਡੈਂਟ ਵੇਲਫੇਅਰ, ਡਾ. ਜੇ.ਪੀ.ਐਸ. ੳਬਰਾਏ, ਮੁਖੀ ਟੀ.ਪੀ. ਸੈਲ, ਡਾ. ਬੀ.ਐਸ. ਭੁੱਲਰ, ਮੁਖੀ ਐਮ.ਈ., ਡਾ. ਗੁਰਸੇਵਕ ਸਿੰਘ ਬਰਾੜ,ਮੁਖੀ, ਈ.ਈ., ਪ੍ਰੋ: ਜਸਵੀਰ ਸਿੰਘ ਰਟੋਲ,ਵਰਕਸ਼ਾਪ ਸੁਪਰਡੈਂਟ, ਪ੍ਰੋ: ਕਿਰਨਪ੍ਰੀਤ ਕੌਰ,ਮੁਖੀ, ਈ.ਸੀ.ਈ. ਅਤੇ ਡਾ. ਜਤਿੰਦਰ ਸਿੰਘ ਸੈਣੀ, ਮੁਖੀ ਸੀ.ਐਸ.ਈ. ਵੀ ਹਾਜ਼ਰ ਸਨ।