ਜੀਰਕਪੁਰ 10 ਅਕਤੂਬਰ ਵਿੱਕੀ ਭਬਾਤ
ਮੋਹਾਲੀ ਪੁਲਿਸ ਨੇ ਛੱਤ ਲਾਈਟਾਂ (ਏਅਰਪੋਰਟ ਰੋਡ) ਜੀਰਕਪੁਰ ਪਟਿਆਲਾ ਰੋਡ ਤੇ ਲੁੱਟ ਖੋਹਾਂ ਨੂੰ ਅੰਜਾਮ ਦੇਣ ਵਾਲੇ ਗਿਰੋਹ ਦੇ 3 ਮੈਂਬਰਾਂ ਨੂੰ ਕਾਬੂ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ।ਜਾਣਕਾਰੀ ਦਿੰਦੇ ਹੋਏ ਐਸ ਐਸ ਪੀ ਮੋਹਾਲੀ ਦੀਪਕ ਪਾਰਿਕ ਨੇ ਦੱਸਿਆ ਕਿ ਡੀਜੀਪੀ ਪੰਜਾਬ ਗੌਰਵ ਯਾਦਵ, ਨਿਲਾਂਬਰੀ ਵਿਜੇ ਦਗਦਲੇ ਡੀਆਈਜੀ ਮੋਹਾਲੀ ਰੇਂਜ ਦੇ ਦਿਸ਼ਾ ਨਿਦੇਸ਼ਾਂ ਤੇ ਪਿਛਲੇ ਕਈ ਦਿਨਾਂ ਤੋਂ ਛੱਤ ਲਾਈਟਾਂ ਏਅਰਪੋਰਟ ਰੋਡ ਅਤੇ ਜੀਰਕਪੁਰ ਪਟਿਆਲਾ ਰੋਡ ਤੇ ਇੱਕ ਲੁਟੇਰਾ ਗਿਰੋਹ ਲਗਾਤਾਰ ਲੁੱਟ ਖੋਹ ਦੀਆਂ ਵਾਰਦਾਤਾਂ ਨੂੰ ਅੰਜਾਮ ਦੇ ਰਿਹਾ ਸੀ। ਜਿਨਾਂ ਨੂੰ ਕਾਵੂ ਕਰਨ ਲਈ ਮਨਪ੍ਰੀਤ ਸਿੰਘ ਐਸ ਪੀ ਦਿਹਾਤੀ, ਜਸਪਿੰਦਰ ਸਿੰਘ ਡੀਐਸਪੀ ਜੀਰਕਪੁਰ ਸਰਕਲ, ਤਲਵਿੰਦਰ ਸਿੰਘ ਡੀਐਸਪੀ (ਆਈ) ਜਿਲ੍ਹਾ ਮੋਹਾਲੀ ਦੀ ਨਿਗਰਾਨੀ ਹੇਠ ਥਾਣਾ ਜੀਰਕਪੁਰ ਅਤੇ ਸੀਆਈਏ ਇੰਚਾਰਜ ਇੰਸਪੈਕਟਰ ਹਰਮਿੰਦਰ ਸਿੰਘ ਦੀ ਟੀਮ ਵੱਲੋਂ ਲੁੱਟਾਂ ਖੌਹਾਂ ਕਰਨ ਵਾਲੇ 3 ਮੈਂਬਰਾਂ ਨੂੰ ਕਾਬੂ ਕੀਤਾ ਗਿਆ ਜਿਨਾਂ ਕੋਲੋਂ ਵਾਰਦਾਤ ਵਿੱਚ ਵਰਤੇ ਜਾਣ ਵਾਲੇ ਹਥਿਆਰ ਦਾਤ ਲੋਹਾ, ਮੋਟਰਸਾਈਕਲ ਮਾਰਕਾ ਸਪਲੈਂਡਰ ਅਤੇ ਲੁੱਟ ਖੋਹ ਕੀਤਟ ਮੋਬਾਈਲ ਫੋਨ ਬਰਾਮਦ ਕੀਤੇ ਹਨ। ਦੋਸ਼ੀਆਂ ਦੀ ਪਹਿਚਾਣ ਰਜਿੰਦਰ ਸਿੰਘ ਉਰਫ ਮੋਨੂੰ (28) ਪੁੱਤਰ ਜਰਨੈਲ ਸਿੰਘ ਵਾਸੀ ਭਬਾਤ, ਸੰਦੀਪ ਸਿੰਘ ਪੁੱਤਰ ਬਲਵੰਤ ਸਿੰਘ (34)ਵਾਸੀ ਭਬਾਤ, ਸੰਨੀ ਸਚਦੇਵਾ ਪੁੱਤਰ ਸੁਰਿੰਦਰ ਸਚਦੇਵਾ (29) ਵਾਸੀ ਢਕੌਲੀ ਦੇ ਤੌਰ ਤੇ ਹੋਈ ਹੈ। ਦੋਸ਼ੀਆਂ ਤੇ ਪਹਿਲਾਂ ਵੀ ਕਈ ਮਾਮਲੇ ਦਰਜ ਹਨ।