ਅਮਰ ਸ਼ਹੀਦ ਬਾਬਾ ਮੋਤੀ ਰਾਮ ਮਹਿਰਾ ਗੁਰਦੁਆਰਾ ਸਾਹਿਬ ਵਿਖੇ ਲੰਗਰ ਲਈ ਭਾਫ ਨਾਲ ਚੱਲਣ ਵਾਲੇ ਪਲਾਂਟ ਦਾ ਕੀਤਾ ਉਦਘਾਟਨ

 

ਅਮਰ ਸ਼ਹੀਦ ਬਾਬਾ ਮੋਤੀ ਰਾਮ ਮਹਿਰਾ ਗੁਰਦੁਆਰਾ ਸ੍ਰੀ ਫਤਿਹਗੜ੍ਹ ਸਾਹਿਬ ਵਿਖੇ ਅੱਜ ਟਰੱਸਟੀ ਜਸਪਾਲ ਸਿੰਘ ਕਲੌਦੀ ਦੀ ਪ੍ਰੇਰਨਾ ਸਦਕਾ ਐਨ ਆਰ ਆਈ ਰਣਜੀਤ ਸਿੰਘ ਖਾਲਸਪੁਰ, ਬਲਜਿੰਦਰ ਸਿੰਘ, ਸੁਖਦੀਪ ਸਿੰਘ ਤੇ ਗੁਰਮੀਤ ਸਿੰਘ ਕਲੌਦੀ ਵੱਲੋ ਕਰੀਬ 4 ਲੱਖ 50 ਹਜ਼ਾਰ ਦੀ ਲਾਗਤ ਨਾਲ ਤਿਆਰ ਕਰਵਾਏ ਭਾਫ ਵਾਲੇ ਪਲਾਂਟ ਦਾ ਉਦਘਾਟਨ ਬਾਬਾ ਮੋਤੀ ਰਾਮ ਮਹਿਰਾ ਚੈਰੀਟੇਬਲ ਟਰੱਸਟ ਦੇ ਚੇਅਰਮੈਨ ਨਿਰਮਲ ਸਿੰਘ ਐਸ ਐਸ ਨੇ ਕੀਤਾ। ਇਸ ਮੌਕੇ ਸੇਵਾ ਕਰਨ ਵਾਲੇ ਗੁਰਮੀਤ ਸਿੰਘ ਕਲੌਦੀ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਚੇਅਰਮੈਨ ਨਿਰਮਲ ਸਿੰਘ ਐਸ ਐਸ ਨੇ ਦੱਸਿਆ ਕਿ ਧੰਨ ਹਨ ਉਹ ਪਰਿਵਾਰ ਹਨ ਜੋ ਇਸ ਅਸਥਾਨ ਤੇ ਆਪਣਾ ਦਸਵੰਧ ਕੱਢ ਕੇ ਸੇਵਾ ਕਰਦੇ ਹਨ। ਉਨ੍ਹਾਂ ਦੱਸਿਆਂ ਕਿ ਇਸ ਭਾਫ ਵਾਲੇ ਪਲਾਂਟ ਨਾਲ ਗੁਰੂ ਦਾ ਲੰਗਰ ਤਿਆਰ ਹੋਵੇਗਾ ਤਾਂ ਉਹ ਜਿੱਥੇ ਪ੍ਰਦੂਸ਼ਨ ਰਹਿਤ ਹੋਵੇਗਾ ਉੱਥੇ ਹੀ ਇਸ ਨਾਲ ਬਿਜਲੀ ਤੇ ਗੈਸ ਦੀ ਬੱਚਤ ਵੀ ਹੋਵੇਗੀ। ਗੁਰਮੀਤ ਸਿੰਘ ਕਲੌਦੀ ਨੇ ਕਿਹਾ ਕਿ ਉਨ੍ਹਾ ਨੇ ਤਾਂ ਸੇਵਾ ਸਮਝ ਕੇ ਅਤੇ ਸਮੇ ਦੀ ਜਰੂਰਤ ਸਮਝਦੇ ਹੋਏ ਇਸ ਕਾਰਜ ਲਈ ਮਾਇਆ ਅਰਦਾਸ ਕਰਵਾਈ ਹੈ। ਇਸ ਮੌਕੇ ਜਸਪਾਲ ਸਿੰਘ ਕਲੋਦੀ ਕੈਸੀਅਰ, ਡਾ. ਗੁਰਮੀਤ ਸਿੰਘ ਸੈਕਟਰੀ, ਮੀਤ ਚੇਅਰਮੈਨ ਜੈਕ੍ਰਿਸਨ ਕਸਿਅਪ,ਬਲਦੇਵ ਸਿੰਘ ਦੁਸਾਂਝ, ਬਲਦੇਵ ਸਿੰਘ ਲੋਹਾਰਾ, ਕੁਲਦੀਪ ਸਿੰਘ ਜੇ ਈ, ਨਵਜੋਤ ਸਿੰਘ ਮੈਨੇਜਰ, ਹੈਡ ਗ੍ਰੰਥੀ ਹਰਦੀਪ ਸਿੰਘ, ਜੋਗਿੰਦਰਪਾਲ ਸਿੰਘ, ਬੀਬੀ ਬਲਜਿੰਦਰ ਕੌਰ, ਬੀਰਦਵਿੰਦਰ ਸਿੰਘ, ਗੁਰਦੀਪ ਸਿੰਘ, ਪਲਵੀਰ ਸਿੰਘ, ਨਾਹਰ ਸਿੰਘ, ਬਲਵੀਰ ਸਿੰਘ, ਕੁਲਵੰਤ ਕੌਰ ਅਤੇ ਗੁਰਮੀਤ ਸਿੰਘ ਆਦਿ ਵੀ ਮੌਜੂਦ ਸਨ।