ਹਰਜਿੰਦਰ ਸਿੰਘ ਗੋਲਣ
ਭਿਖੀਵਿੰਡ 26 ਨਵੰਬਰ
ਸ਼ਹਿਰਾਂ ਕਸਬਿਆਂ ਵਿੱਚ ਵੱਧਦੀ ਭੀੜ ਨੂੰ ਮੁੱਖ ਰੱਖਦਿਆਂ ਪੰਜਾਬ ਸਰਕਾਰ ਵੱਲੋਂ ਲੋਕਾਂ ਦੀ ਸੁਰੱਖਿਆ ਲਈ ਰੱਖੇ ਗਏ ਸੜਕ ਸੁਰੱਖਿਆ ਮੁਲਾਜ਼ਮਾਂ ਪਾਸੋਂ ਟਰੈਫਿਕ ਡਿਊਟੀ ਲਈ ਜਾਵੇ। ਇਹਨਾਂ ਸ਼ਬਦਾਂ ਦਾ ਪ੍ਰਗਟਾਵਾ ਲੋਕ ਸੇਵਾ ਸਿਟੀ ਕਲੱਬ ਭਿੱਖੀਵਿੰਡ ਪ੍ਰਧਾਨ ਗੁਰਵਿੰਦਰ ਸਿੰਘ ਸਦਿਉੜਾ, ਨਿਰਮਲ ਸਿੰਘ ਭਿੱਖੀਵਿੰਡ, ਗੁਰਲਾਲ ਸਿੰਘ, ਬਲਵਿੰਦਰ ਸਿੰਘ, ਰਣਜੀਤ ਸਿੰਘ ਰਾਣਾ, ਜੁਗਰਾਜ ਪੇਂਟਰ ਭਿੱਖੀਵਿੰਡ, ਵਿਰਸਾ ਸਿੰਘ, ਪਿੰਕਾ ਭਿਖੀਵਿੰਡ, ਜਸਵੰਤ ਰਾਏ ਮੋਗਾ, ਪਦਰਥ ਸਿੰਘ ਨੇ ਸਾਂਝੇ ਤੌਰ ਤੇ ਪ੍ਰੈਸ ਨਾਲ ਗੱਲਬਾਤ ਕਰਦਿਆਂ ਕੀਤਾ ਤੇ ਆਖਿਆ ਹਾਈਵੇ ਅਥਾਰਟੀ ਵੱਲੋਂ ਮੁੱਖ ਮਾਰਗ ਨੂੰ ਚੌੜਾ ਭਾਵੇਂ ਕਰ ਦਿੱਤਾ ਗਿਆ ਪਰ ਸੜਕਾਂ ਤੇ ਖੜਨ ਵਾਲੇ ਵਾਹਨ, ਰੇੜੀਆਂ, ਕਾਰਾਂ, ਬੱਸਾਂ, ਜੀਪਾਂ ਦੇ ਕਾਰਨ ਭਿੱਖੀਵਿੰਡ ਸ਼ਹਿਰ ਦੀਆਂ ਮੁੱਖ ਸੜਕਾਂ ਤੋਂ ਲੰਘਣਾ ਵੀ ਨਾਮ ਮੁਮਕਿਨ ਦਿਖਾਈ ਦਿੰਦਾ ਹੈ। ਉਪਰੋਕਤ ਸਮਾਜ ਸੇਵੀ ਆਗੂਆਂ ਨੇ ਮੁੱਖ ਮੰਤਰੀ ਪੰਜਾਬ ਭਗਵੰਤ ਮਾਨ ਸਰਕਾਰ ਨੂੰ ਪੁਰਜ਼ੋਰ ਅਪੀਲ ਕੀਤੀ ਕਿ ਲੋਕਾਂ ਦੀ ਸੁਰੱਖਿਆ ਨੂੰ ਮੁੱਖ ਰੱਖਦਿਆਂ ਸੜਕਾਂ ਤੇ ਕੀਤੇ ਗਏ ਤੈਨਾਤ ਸੁਰੱਖਿਆ ਮੁਲਾਜ਼ਮਾਂ ਕੋਲੋਂ ਵਾਧੂ ਟਾਈਮ ਡਿਊਟੀ ਹਰ ਸ਼ਹਿਰ ਅੰਦਰ ਟਰੈਫਿਕ ਡਿਊਟੀ ਲਈ ਜਾਵੇ ਤਾਂ ਜੋ ਲੋਕਾਂ ਨੂੰ ਰਾਹਤ ਮਿਲ ਸਕੇ ਅਤੇ ਸੜਕ ਸੁਰੱਖਿਆ ਮੁਲਾਜ਼ਮ ਵਾਧੂ ਟਾਈਮ ਮੋਬਾਇਲ ਵੇਖਣ ਦੀ ਬਜਾਏ ਲੋਕਾਂ ਨੂੰ ਸੜਕੀ ਹਾਦਸਿਆਂ ਤੋਂ ਬਚਾ ਸਕਣ।