ਜੱਜ ਦੀ ਪਤਨੀ ਦੇ ਗਲ ‘ਚੋਂ ਸੋਨੇ ਦੀ ਚੇਨ ਖੌਹ ਰਫੂ ਚੱਕਰ ਹੋਏ ਲੁਟੇਰੇ।

ਨੰਗਲ, 28 ਨਵੰਬਰ (ਸਤਨਾਮ ਸਿੰਘ)

ਇਲਾਕੇ ਵਿੱਚ ਕਾਫੀ ਸਮਾਂ ਸ਼ਾਂਤੀ ਰਹਿਣ ਤੋਂ ਬਾਅਦ ਮੁੜ ਲੁੱਟਾਂ ਖੋਹਾਂ ਤੇ ਚੇਨ ਝਪਟਣ ਦੀਆ ਵਾਰਦਾਤਾਂ ਸੁਣਨ ਨੂੰ ਮਿਲ ਲੱਗ ਪਈਆਂ ਹਨ। ਜਿਸਨੂੰ ਲੈ ਕੇ ਲੋਕਾਂ ਵਿੱਚ ਕਾਫੀ ਖੌਫ ਹੈ ਪਰ ਦੂਜੇ ਪਾਸੇ ਪੁਲਿਸ ਮੁਲਾਜ਼ਮ ਇਹ ਵੀ ਬੋਲਦੇ ਸੁਣੇ ਜਾ ਸਕਦੇ ਹਨ ਕਿ ਲੋਕਾਂ ਨੂੰ ਵੀ ਥੋੜਾ ਸਮਝਣ ਦੀ ਲੋੜ ਹੈ ਕਿ ਉਹ ਸੋਨੇ ਚਾਂਦੀ ਦੇ ਗਹਿਣੇ ਪਾ ਕੇ ਘਰ ਤੋਂ ਬਾਹਰ ਕਿਉਂ ਨਿਲਕਦੇ ਹਨ ਪਰ ਇਹ ਘਟਨਾ ਤਾਂ ਵਿੱਚ ਹੀ ਵਾਪਰ ਗਈ।ਗੱਲ ਕਰ ਰਹੇ ਹਾਂ ਨਯਾ ਨੰਗਲ ਸੈਕਟਰ-1, ਟਾਈਪ-2 ਦੀ, ਜਿੱਥੇ ਬੀਤੇ ਦਿਨ ਕਰੀਬ ਸਾਡੇ ਗਿਆਰਾ ਵਜੇ ਦੁਪਹਿਰ ਨੂੰ ਮੋਟਰ ਸਾਈਕਲ ਚਾਲਕ ਇੱਕ ਔਰਤ ਦੀ ਚੇਨ ਝਪਟ ਕੇ ਰਫੂ ਚੱਕਰ ਹੋ ਗਏ ਤੇ ਉਨ੍ਹਾਂ ਦੀ ਭੱਜਣ ਦੀ ਸੀਸੀਟੀਵੀ ਵੀਡੀਓਜ਼ ਕੈਮਰੇ ਵਿੱਚ ਕੈਦ ਹੋ ਚੁੱਕੀਆਂ ਹਨ।
ਜਾਣਕਾਰੀ ਦਿੰਦਿਆਂ ਸਮਾਜ ਸੇਵੀ ਸੁਖਦੇਵ ਰਾਣਾ ਨੇ ਕਿਹਾ ਕਿ ਕੇਂਦਰੀ ਅਦਾਰੇ ਐਨਐੱਫਐਲ ‘ਚੋਂ ਬਤੌਰ ਡਿਪਟੀ ਮਨੇਜਰ ਰਿਟਾਇਰ ਹੋਏ ਜੱਜ ਕੁਮਾਰ ਦੀ ਧਰਮ ਪਤਨੀ ਨੀਨਾ ਕੁਮਾਰੀ ਨਾਲ ਵਾਪਰੀ ਹੈ। ਪੀੜਤ ਪਰਿਵਾਰ ਦਾ ਮੰਨਣਾ ਹੈ ਕਿ ਦੋ ਮੋਟਰ ਸਾਈਕਲ ਸਵਾਰ ਉਨ੍ਹਾਂ ਦੇ ਮਕਾਨ ਨੰਬਰ 121 ਕੋਲ ਰੁਕੇ ਤੇ ਬਲਵਿੰਦਰ ਸਿੰਘ ਦੇ ਘਰ ਦਾ ਪਤਾ ਪੁੱਛਿਆ। ਇੱਕ ਮੋਟਰ ਸਾਈਕਲ ਸਟਾਰਟ ਕਰਕੇ ਹੀ ਖੜ੍ਹਾ ਰਿਹਾ ਤੇ ਦੂਜਾ ਉਨ੍ਹਾਂ ਕੋਲ ਆ ਕੇ ਪਤਾ ਪੁੱਛਣ ਲੱਤਾ, ਜਦੋਂ ਉਹ ਸੋਚ ਹੀ ਰਹੀ ਸੀ ਕਿ ਬਲਵਿੰਦਰ ਕੋਣ ਹੈ, ਇੰਨੀ ਦੇਰ ਨੂੰ ਉਹ ਲੁਟੇਰਾ ਮੇਰੇ ਗਲ ਵਿੱਚ ਪਈ ਕਰੀਬ ਪੌਨੇ ਤਿੰਨ ਤੋਲੇ ਦੀ ਸੋਨੇ ਦੀ ਚੇਨੀ ਲੁੱਟ ਕੇ ਫਰਾਰ ਹੋ ਗਿਆ।
ਪੀੜਤ ਪਰਿਵਾਰ ਨੇ ਪੁਲਿਸ ਉੱਚ ਅਧਿਕਾਰੀਆਂ ਤੋਂ ਮੰਗ ਕੀਤੀ ਹੈ ਕਿ ਅਜਿਹੇ ਲੁਟੇਰਿਆਂ ਨੂੰ ਕਾਬੂ ਕਰਕੇ ਇਨ੍ਹਾਂ ਖਿਲਾਫ ਸਖ਼ਤ ਤੋਂ ਸਖ਼ਤ ਕਾਰਵਾਈ ਕਰੇ ਤੇ ਉਨ੍ਹਾਂ ਦੀ ਚੇਨੀ ਬਰਾਮਦ ਕਰਵਾਏ। ਉੁਥੇ ਹੀ ਨੰਗਲ/ਨਯਾ ਨੰਗਲ ਏਰੀਆ ਪੰਜਾਬ/ਹਿਮਾਚਲ ਬਾਰਡਰ ਤੇ ਵਸਿਆ ਹੋਣ ਕਰਕੇ ਸਮਾਜ ਵਿਰੋਧੀ ਅਨਸਰ ਅਜਿਹੀਆਂ ਘਟਨਾਵਾਂ ਨੂੰ ਅੰਜਾਮ ਦੇਣ ਤੋਂ ਬਾਅਦ ਪੁਲਿਸ ਨੂੰ ਚਕਮਾ ਦੇਣ ਲਈ ਬਾਰਡਰ ਪਾ ਨਿਕਲ ਜਾਂਦੇ ਹਨ। ਪੰਜਾਬ ਪੁਲਿਸ ਨੂੰ ਚਾਹੀਦਾ ਕਿ ਹਿਮਾਚਲ ਪੁਲਿਸ ਨਾਲ ਰਾਬਤਾ ਕਰਕੇ ਇਨ੍ਹਾਂ ਨੂੰ ਨਕੇਲ ਪਾਏ। ਦੱਸਿਆ ਜਾ ਰਿਹਾ ਹੈ ਕਿ ਘਟਨਾ ਦੀ ਜਾਣਕਾਰੀ ਨਯਾ ਨੰਗਲ ਚੌਕੀ ਵਿੱਚ ਦੇ ਦਿੱਤੀ ਗਈ ਹੈ ਤੇ ਪੁਲਿਸ ਜਾਂਚ ਵਿੱਚ ਜੁੱਟ ਚੁੱਕੀ ਹੈ।