ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਲੜਕੇ ਮਲੋਟ ਦੇ ਵਿਦਿਆਰਥੀ ਨਿਖਿਲ ਦਾ ਐਨਆਈਟੀ ਜਲੰਧਰ ਵਿਖੇ ਦਾਖਲਾ

ਮਲੋਟ,17 ਅਗਸਤ (ਪ੍ਰਤਾਪ ਸੰਦੂ)-

ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਲੜਕੇ ਮਲੋਟ ਦੇ ਵਿਦਿਆਰਥੀ ਨਿਖਿਲ ਦਾ ਐਨਆਈਟੀ ਜਲੰਧਰ ਵਿਖੇ ਹੋਏ ਦਾਖਲੇ ਨੂੰ ਲੈ ਕੇ ਸਕੂਲ ਦੇ ਅਧਿਆਪਕਾਂ ਅਤੇ ਵਿਦਿਆਰਥੀਆਂ ਵਿੱਚ ਖੁਸ਼ੀ ਦੀ ਲਹਿਰ ਦੇਖਣ ਨੂੰ ਮਿਲੀ। ਇੱਥੇ ਇਹ ਜ਼ਿਕਰਯੋਗ ਹੈ ਕਿ ਇਸ ਵਿਦਿਆਰਥੀ ਨੇ ਸਰਕਾਰੀ ਸੀਨੀਅਰ ਸੈਕਡਰੀ ਸਕੂਲ ਲੜਕੇ ਮਲੋਟ ਤੋਂ +2 ਜਮਾਤ 500 ਵਿੱਚੋਂ 472 ਅੰਕ ਪ੍ਰਾਪਤ ਕਰਕੇ ਪਾਸ ਕੀਤੀ ਅਤੇ ਗਣਿਤ ਵਿਸ਼ੇ ਵਿੱਚੋਂ 100 ਵਿੱਚੋਂ 100 ਅੰਕ ਪ੍ਰਾਪਤ ਕਰਕੇ ਸੰਸਥਾ ਅਤੇ ਆਪਣੇ ਮਾਤਾ ਪਿਤਾ ਦਾ ਨਾਮ ਰੋਸ਼ਨ ਕੀਤਾ ਹੈ। ਅੱਜ ਸਕੂਲ ਵਿੱਚ ਨਿਖਲ ਦੇ ਪਿਤਾ ਦੀ ਹਾਜ਼ਰੀ ਵਿੱਚ ਸਕੂਲ ਅਧਿਆਪਕਾਂ ਨੇ ਨਿਖਲ ਦਾ ਮੂੰਹ ਮਿੱਠਾ ਕਰਵਾਇਆ ਅਤੇ ਅਗਲੇਰੇ ਭਵਿੱਖ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ । ਇਸ ਮੌਕੇ ਤੇ ਸਕੂਲ ਦੇ ਇੰਚਾਰਜ ਸ੍ਰੀ ਰਾਜ ਕੁਮਾਰ ਗਾਡੀ, ਯਾਦਵਿੰਦਰ ਸਿੰਘ ਲੈਕਚਰਾਰ ਗਣਿਤ, ਸ੍ਰੀਮਤੀ ਸੀਮਾ ਲੈਕਚਰਾਰ ਫਿਜਿਕਸ, ਸ੍ਰੀਮਤੀ ਸੁਖਦੀਪ ਕੌਰ ਲੈਕਚਰਾਰ ਬਾਇਓ, ਸ੍ਰੀ ਸ਼ਿਵਰਾਜ ਸਿੰਘ ਲੈਕਚਰਾਰ ਕੈਮਿਸਟਰੀ, ਸ੍ਰੀ ਮਨੋਹਰ ਲਾਲ ਸ਼ਰਮਾ ਲੈਕਚਰਾਰ ਕਮਰਸ ਆਦਿ ਹਾਜਰ ਸਨ।