ਵਿਪਨ ਗਰੇਵਰ ਫਤਹਿਗੜ੍ਹ ਪੰਜਤੂਰ (ਮੋਗਾ)/ 17 ਅਗਸਤ :
ਸਥਾਨਕ ਪ੍ਰਜਾਪਤੀ ਬ੍ਰਹਮ ਕੁਮਾਰੀਜ਼ ਈਸ਼ਵਰੀਯ ਵਿਸ਼ਵ ਵਿਦਿਆਲਅ ਵਿਖੇ ਰੱਖੜੀ ਦਾ ਪਵਿੱਤਰ ਤਿਉਹਾਰ ਪੂਰੀ ਧੂਮਧਾਮ ਨਾਲ ਮਨਾਇਆ ਗਿਆ । ਬ੍ਰਹਮ ਕੁਮਾਰੀਜ਼ ਸਰਕਲ ਫਰੀਦਕੋਟ ਦੇ ਇੰਚਾਰਜ ਸੰਗੀਤਾ ਦੀਦੀ ਇਸ ਸਮਾਗਮ ਦੇ ਮੁੱਖ ਮਹਿਮਾਨ ਸਨ ਜਦਕਿ ਸਮਾਗਮ ਦੀ ਪ੍ਰਧਾਨਗੀ ਸਥਾਨਕ ਬ੍ਰਹਮ ਕੁਮਾਰੀਜ਼ ਆਸਰਮ ਦੇ ਇੰਚਾਰਜ ਸਿਮਰਨ ਦੀਦੀ ਹੁਰਾਂ ਕੀਤੀ। ਹੋਰਨਾਂ ਤੋਂ ਇਲਾਵਾ ਇਸ ਮੌਕੇ ਬ੍ਰਹਮ ਕੁਮਾਰੀਜ਼ ਆਸ਼ਰਮ ਕੋਟਕਪੂਰਾ ਤੋਂ ਭੈਣ ਰਾਜ ਕੁਮਾਰੀ, ਅਸ਼ਵਨੀ ਆਹੂਜਾ, ਪ੍ਰੀਤੀ ਕੰਪਿਊਟਰ ਟੀਚਰ, ਅਮਨਦੀਪ ਕੌਰ ਸੰਧੂ, ਜਗਦੀਸ਼ ਕੁਮਾਰ, ਰਾਜ ਕੁਮਾਰ ਗਰੋਵਰ ਸਮੇਤ ਵੱਡੀ ਸੰਖਿਆਂ ਵਿੱਚ ਔਰਤਾਂ ਅਤੇ ਬੱਚੇ ਸ਼ਾਮਿਲ ਸਨ । ਸਮਾਗਮ ਦੀ ਸ਼ੁਰੂਆਤ ਬੱਚਿਆਂ ਵੱਲੋਂ ਵੱਖ-2 ਆਈਟਮਾਂ ਪੇਸ਼ ਕਰਕੇ ਕੀਤੀ ਗਈ ਜਿਸਤੋ ਬਾਦ ਬ੍ਰਹਮ ਕੁਮਾਰੀਜ਼ ਪਰਿਵਾਰ ਵੱਲੋਂ ਛੋਟੇ-2 ਬੱਚਿਆਂ ਅਤੇ ਹੋਰਨਾਂ ਦੇ ਰੱਖੜੀਆਂ ਬੰਨੀਆਂ ਗਈਆਂ। ਇਸ ਮੌਕੇ ਆਪਣੇ ਸੰਬੋਧਨ ਵਿੱਚ ਮੁੱਖ ਮਹਿਮਾਨ ਸੰਗੀਤਾ ਦੀਦੀ ਨੇ ਕਿਹਾ ਕਿ ਰੱਖੜੀ ਮਹਿਜ਼ ਇੱਕ ਧਾਗਾ ਹੀ ਨਹੀ ਬਲਕਿ ਇਹ ਤਿਉਹਾਰ ਭੈਣ ਭਰਾ ਦੇ ਪਿਆਰ ਅਤੇ ਸਨੇਹ ਦਾ ਵੀ ਪ੍ਰਤੀਕ ਹੈ । ਪ੍ਰੋਗਰਾਮ ਦੇ ਅੰਤ ਵਿੱਚ ਸਥਾਨਕ ਆਸ਼ਰਮ ਦੀ ਇੰਚਾਰਜ ਸਿਮਰਨ ਦੀਦੀ ਵੱਲੋਂ ਸਮਾਗਮ ਵਿੱਚ ਸ਼ਾਮਿਲ ਹੋਣ ਲਈ ਸਾਰੇ ਲੋਕਾਂ ਦਾ ਧੰਨਵਾਦ ਕੀਤਾ ਗਿਆ ।