ਘਨੌਰ 24 ਅਗਸਤ (ਓਮਕਾਰ ਸ਼ਰਮਾ) :
ਸਰਕਾਰੀ ਐਲੀਮੈਂਟਰੀ ਸਕੂਲ ਸੰਧਾਰਸੀ ਵਿਖੇ ਪੰਜਾਬ ਹੈਲਥ ਕਾਰਪੋਰੇਸ਼ਨ ਦੇ ਵਾਇਸ ਚੇਅਰਮੈਨ ਅਤੇ ਸਪੋਰਟਸ ਵਿੰਗ ਪੰਜਾਬ ਦੇ ਪ੍ਰਧਾਨ ਸ: ਮਨਿੰਦਰਜੀਤ ਸਿੰਘ ਵਿੱਕੀ ਘਨੌਰ ਵੱਲੋਂ ਸਕੂਲ ਕੈਂਪਸ ਵਿੱਚ ਪੌਦੇ ਲਗਾਏ ਗਏ।ਇਸ ਮੌਕੇ ਉਹਨਾਂ ਨੇ ਬੱਚਿਆਂ ਨੂੰ ਸੰਬੋਧਨ ਕਰਦੇ ਹੋਏ ਪੌਦਿਆਂ ਦੀ ਮਨੁੱਖੀ ਜੀਵਨ ਲਈ ਮਹੱਤਤਾ ਤੇ ਵਾਤਾਵਰਨ ਸੰਭਾਲ ਪ੍ਰਤੀ ਬੱਚਿਆਂ ਨੂੰ ਵਿਸਥਾਰ ਪੂਰਵਕ ਜਾਣਕਾਰੀ ਦਿੱਤੀ ਤੇ ਵੱਧ ਤੋਂ ਵੱਧ ਪੌਦੇ ਲਗਾਉਣ ਤੇ ਉਹਨਾਂ ਦੀ ਸੰਭਾਲ ਕਰਨ ਲਈ ਪ੍ਰੇਰਿਤ ਕੀਤਾ ।ਇਸ ਮੌਕੇ ਸਰਪੰਚ ਸ: ਗੁਰਮੀਤ ਸਿੰਘ,ਸਕੂਲ ਮੁਖੀ ਸ: ਕੁਲਜੀਤ ਸਿੰਘ ,ਅਧਿਆਪਕ ਸ: ਧਰਮਿੰਦਰ ਸਿੰਘ, ਅਧਿਆਪਕ ਸ: ਸੁਖਵਿੰਦਰ ਸਿੰਘ, ਅੰਤਰਰਾਸ਼ਟਰੀ ਕਬੱਡੀ ਖਿਡਾਰੀ ਖੁਸ਼ਦੀਪ ਸਿੰਘ ਟਿੱਕੂ ਘਨੌਰ ,ਕਬੱਡੀ ਖਿਡਾਰੀ ਮਨਵੀਰ ਸਰਵਾਰਾ ਅਤੇ ਮਨਰੇਗਾ ਕਾਮੇ ਤੇ ਪਿੰਡ ਦੇ ਹੋਰ ਪੱਤਵੰਤੇ ਹਾਜਰ ਸਨ।