ਸੰਗਰੂਰ 28 ਅਗਸਤ (ਹਰਜਿੰਦਰ ਦੁੱਗਾਂ)
ਪੰਜਾਬ ਗਤਕਾ ਐਸੋਸੀਏਸ਼ਨ ਵੱਲੋਂ ਅਕਾਲ ਕਾਲਜ ਕੌਂਸਲ ਦੇ ਸਹਿਯੋਗ ਨਾਲ਼ ਕਰਵਾਈ ਜਾ ਰਹੀ ਅੱਠਵੀਂ ਚਾਰ ਰੋਜ਼ਾ ਨੈਸ਼ਨਲ ਚੈਂਪੀਅਨਸ਼ਿਪ ਅੱਜ ਪੂਰੇ ਸ਼ਾਨੋ-ਸ਼ੌਕਤ ਨਾਲ਼ ਸੰਪੰਨ ਹੋ ਗਈ ਹੈ। ਵੱਖ-ਵੱਖ ਵਰਗਾਂ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਪੰਜਾਬ ਨੇ ਓਵਰਆਲ ਟਰਾਫੀ ਜਿੱਤ ਕੇ ਸੂਬੇ ਦਾ ਨਾਂ ਚਮਕਾਇਆ। ਓਵਰਆਲ ਪ੍ਰਾਪਤੀਆਂ ਵਿੱਚ ਦਿੱਲੀ ਦੇ ਖਿਡਾਰੀਆਂ ਨੇ ਦੂਜਾ ਅਤੇ ਚੰਡੀਗੜ੍ਹ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ। ਚੈਂਪੀਅਨਸ਼ਿਪ ਵਿੱਚ ਪੁਜ਼ੀਸ਼ਨਾਂ ਪ੍ਰਾਪਤ ਕਰਨ ਵਾਲ਼ੇ ਖਿਡਾਰੀਆਂ ਨੂੰ ਇਨਾਮਾਂ ਦੀ ਰਸਮ ਸ੍ਰ. ਹਰਚਰਨ ਸਿੰਘ ਭੁੱਲਰ ਡੀਆਈਜੀ ਅਤੇ ਸ੍ਰ. ਸਰਤਾਜ ਸਿੰਘ ਚਹਿਲ, ਐਸਐਸਪੀ ਸੰਗਰੂਰ ਵੱਲੋਂ ਸਾਂਝੇ ਤੌਰ ਤੇ ਨਿਭਾਈ ਗਈ। ਸ੍ਰ. ਜਸਵੰਤ ਸਿੰਘ ਖਹਿਰਾ ਸਕੱਤਰ ਅਕਾਲ ਕੌਲਜ ਕੌਂਸਲ ਵੱਲੋਂ ਚੈਂਪੀਅਨਸ਼ਿਪ ਵਿੱਚ ਭਾਗ ਲੈਣ ਵਾਲ਼ੇ ਸਮੂਹ ਖਿਡਾਰੀਆਂ, ਕੋਚਿਜ਼, ਗਤਕਾ ਫੈਡਰੇਸ਼ਨ ਦੇ ਆਹੁਦੇਦਾਰਾਂ ਅਤੇ ਇਸ ਚੈਂਪੀਅਨਸ਼ਿਪ ਨੂੰ ਸਫਲਤਾ ਪੂਰਵਕ ਕਰਵਾਉਣ ਲਈ ਆਪਣੀਆਂ ਸੇਵਾਵਾਂ ਦੇਣ ਵਾਲ਼ੇ ਅਕਾਲ ਕਾਲਜ ਕੌਂਸਲ ਦੇ ਸਮੂਹ ਮੁਲਾਜਮਾਂ ਦਾ ਧੰਨਵਾਦ ਕੀਤਾ ਗਿਆ। ਇਸ ਮੌਕੇ ਗਤਕਾ ਫੈਡਰੇਸ਼ਨ ਪੰਜਾਬ ਦੇ ਪ੍ਰਧਾਨ ਡਾ. ਰਜਿੰਦਰ ਸਿੰਘ ਸੋਹਲ ਸਾਬਕਾ ਏਆਈਜੀ, ਜਨਰਲ ਸਕੱਤਰ ਬਲਜਿੰਦਰ ਸਿੰਘ ਤੂਰ, ਅਕਾਲ ਕਾਲਜ ਕੌਂਸਲ ਦੇ ਸਕੱਤਰ ਸ੍ਰ. ਜਸਵੰਤ ਸਿੰਘ ਖਹਿਰਾ, ਕੋਆਰਡੀਨੇਟਰ ਬਲਦੇਵ ਸਿੰਘ ਭੰਮਾਵੱਦੀ, ਗੁਰਜੰਟ ਸਿੰਘ ਦੁੱਗਾਂ, ਸ੍ਰ. ਭੁਪਿੰਦਰ ਸਿੰਘ ਗਰੇਵਾਲ, ਸ੍ਰ. ਸਿਆਸਤ ਸਿੰਘ ਦੁੱਗਾਂ, ਮਨਜੀਤ ਸਿੰਘ ਬਾਲੀਆਂ, ਡਾ. ਗੀਤਾ ਠਾਕੁਰ, ਡਾ. ਗੁਰਵੀਰ ਸਿੰਘ ਸੋਹੀ, ਡਾ. ਸੁਖਦੀਪ ਕੌਰ ਅਤੇ ਡਾ. ਜਸਪਾਲ ਸਿੰਘ ਮੌਜੂਦ ਸਨ। ਅੱਜ ਦੇ ਮੁਕਾਬਲਿਆਂ ਵਿੱਚ ਲੜਕਿਆਂ ਦੇ ”-11 ਦੇ ਟੀਮ ਪ੍ਰਦਰਸ਼ਨ ਵਿੱਚ ਪੰਜਾਬ ਦੀ ਟੀਮ ਨੇ ਪਹਿਲਾ ਅਤੇ ਹਰਿਆਣਾ ਦੀ ਟੀਮ ਨੇ ਦੂਜਾ ਸਥਾਨ ਹਾਸਲ ਕੀਤਾ। ਅੰਡਰ-11 ਵਿਅਕਤੀਗਤ ਪ੍ਰਦਰਸ਼ਨ ਵਿੱਚ ਪੰਜਾਬ ਪਹਿਲੇ, ਤਾਮਿਲਨਾਡੂ ਦੂਜੇ, ਮੱਧ-ਪ੍ਰਦੇਸ਼ ਤੀਜੇ; ਅੰਡਰ-25 ਟੀਮ ਫਰੀ ਸੋਟੀ ਵਿੱਚ ਪੰਜਾਬ ਪਹਿਲੇ, ਮੱਧ-ਪ੍ਰਦੇਸ਼ ਦੂਜੇ, ਹਰਿਆਣਾ ਅਤੇ ਤਾਮਿਲਨਾਢੂ ਤੀਜੇ; ਅੰਡਰ- ਟੀਮ ਫਰੀ ਸੋਟੀ ਵਿੱਚ ਪੰਜਾਬ ਪਹਿਲੇ, ਦਿੱਲੀ ਦੂਜੇ, ਹਰਿਆਣਾ ਅਤੇ ਝਾਰਖੰਡ ਤੀਜੇ; ਅੰਡਰ-17 ਟੀਮ ਪ੍ਰਦਰਸ਼ਨ ਪੰਜਾਬ ਪਹਿਲੇ, ਮੱਧ-ਪ੍ਰਦੇਸ਼ ਦੂਜੇ, ਮਹਾਂਰਾਸ਼ਟਰਾ ਤੀਜੇ; ਅੰਡਰ-19 ਟੀਮ ਇਕਹਿਰੀ ਸੋਟੀ ਪੰਜਾਬ ਪਹਿਲੇ, ਦਿੱਲੀ ਦੂਜੇ, ਝਾਰਖੰਡ ਅਤੇ ਛੱਤੀਸ਼ਗੜ੍ਹ ਤੀਜੇ: ਅੰਡਰ-30 ਵਿਅਕਤੀਗਤ ਇਕਹਿਰੀ ਸੋਟੀ ਵਿੱਚ ਦਿੱਲੀ ਪਹਿਲੇ, ਮਹਾਂਰਾਸ਼ਟਰਾ ਦੂਜੇ, ਪੰਜਾਬ ਅਤੇ ਛੱਤੀਸ਼ਗੜ੍ਹ ਤੀਜੇ ਸਥਾਨ ਤੇ ਰਹੇ। ਲੜਕੀਆਂ ਦੇ ਮੁਕਾਬਲਿਆ ਵਿੱਚ ਅੰਡਰ-11 ਟੀਮ ਪ੍ਰਦਰਸ਼ਨ ਵਿੱਚ ਪੰਜਾਬ ਪਹਿਲੇ, ਹਰਿਆਣਾ ਦੂਜੇ; ਅੰਡਰ 17 ਟੀਮ ਫਰੀ ਸੋਟੀ ਪੰਜਾਬ ਪਹਿਲੇ, ਮਹਾਂਰਾਸ਼ਟਰਾ ਦੂਜੇ, ਉੱਤਰ-ਪ੍ਰਦੇਸ਼ ਅਤੇ ਦਿੱਲੀ ਤੀਜੇ; ਅੰਡਰ-17 ਟੀਮ ਪ੍ਰਦਰਸ਼ਨ ਵਿੱਚ ਪੰਜਾਬ ਪਹਿਲੇ, ਮੱਧ-ਪ੍ਰਦੇਸ਼ ਦੂਜੇ, ਮਹਾਂਰਾਸ਼ਟਰਾ ਤੀਜੇ; ਅੰਡਰ-19 ਵਿਅਕਤੀਗਤ ਫਰੀ ਸੋਟੀ ਵਿੱਚ ਹਰਿਆਣਾ ਪਹਿਲੇ, ਮੱਧ-ਪ੍ਰਦੇਸ਼ ਦੂਜੇ, ਅਸਾਮ ਅਤੇ ਦਿੱਲੀ ਤੀਜੇ; ਅੰਡਰ-25 ਟੀਮ ਇਕਹਿਰੀ ਸੋਟੀ ਵਿੱਚ ਪੰਜਾਬ ਪਹਿਲੇ, ਚੰਡੀਗੜ੍ਹ ਦੂਜੇ, ਉੱਤਰ-ਪ੍ਰਦੇਸ਼ ਅਤੇ ਮਹਾਂਰਾਸ਼ਟਰਾ ਤੀਜੇ; ਅੰਡਰ-30 ਵਿਅਕਤੀਗਤ ਇਕਹਿਰੀ ਸੋਟੀ ਵਿੱਚ ਦਿੱਲੀ ਪਹਿਲੇ, ਮਹਾਂਰਾਸ਼ਟਰਾ ਦੂਜੇ, ਪੰਜਾਬ ਅਤੇ ਛੱਤੀਸ਼ਗੜ੍ਹ ਤੀਜੇ ਸਥਾਨ ਤੇ ਰਹੇ।