ਜੈਤੋ, 28 ਅਗਸਤ (ਮਨਜੀਤ ਸਿੰਘ ਢੱਲਾ)-
ਜੈਤੋ ਦੀ ਸਮਾਜ ਸੇਵੀ ਸੰਸਥਾ "ਲਾਇਨਜ਼ ਕਲੱਬ ਗੁੱਡਵਿੱਲ ਜੈਤੋ" ਜੋ ਕਿ ਹਰ ਵੇਲੇ ਲੋੜਵੰਦ ਪਰਿਵਾਰਾਂ ਦੀ ਮਦਦ ਕਰਨ ਲਈ ਹਮੇਸ਼ਾ ਤੱਤਪਰ ਰਹਿੰਦੀ ਹੈ। ਸੰਸਥਾ ਦੇ ਪ੍ਰਧਾਨ ਡਾਕਟਰ ਸੰਦੀਪ ਜਿੰਦਲ ਤੇ ਉਨ੍ਹਾਂ ਦੀ ਟੀਮ ਵੱਲੋਂ ਖੁਸ਼ੀਆਂ ਦਾ ਵਿਹੜਾ ਬਿਰਧ ਆਸ਼ਰਮ ਮੁਕਤਸਰ ਰੋਡ ਜੈਤੋ ਵਿਖੇ ਰਹਿ ਰਹੇ ਲੋੜਵੰਦਾਂ ਲਈ ਲੰਗਰ ਲਗਾਇਆ ਅਤੇ ਬਜ਼ੁਰਗਾਂ ਨੂੰ ਆਪਣੇ ਹੱਥੀ ਛਕਾਇਆ ਗਿਆ। ਸੰਸਥਾ ਦੇ ਪ੍ਰਧਾਨ ਡਾਕਟਰ ਸੰਦੀਪ ਜਿੰਦਲ ਨੇ ਦੱਸਿਆ ਕਿ ਸਾਡੀ ਸੰਸਥਾ ਦੇ ਸਰਗਰਮ ਮੈਂਬਰ ਸ੍ਰੀ ਸੁਧਾਂਸ਼ੂ ਜਿੰਦਲ ਜੈਤੋ ਦੀ ਬੇਟੀ ਇਸ਼ਕਾ ਜਿੰਦਲ ਦੇ ਜਨਮਦਿਨ ਮੌਕੇ ਬਿਰਧ ਆਸ਼ਰਮ ਜੈਤੋ ਵਿਖੇ ਬਜ਼ੁਰਗਾਂ ਨੂੰ ਲੰਗਰ ਛਕਾਇਆ ਗਿਆ ਅਤੇ ਆਸ਼ਰਮ ਵਿਖੇ ਰਹਿ ਰਹੇ ਬਜ਼ੁਰਗਾਂ ਦਾ ਅਸ਼ੀਰਵਾਦ ਪ੍ਰਾਪਤ ਕੀਤਾ ਹੈ। ਉਹਨਾਂ ਕਿਹਾ ਸਾਨੂੰ ਆਪਣੀ ਛੋਟੀ ਵੱਡੀ ਖੁਸ਼ੀ ਮੌਕੇ ਲੋੜਵੰਦ ਪਰਿਵਾਰਾਂ ਦੀ ਮਦਦ ਕਰਨੀ ਚਾਹੀਦੀ ਹੈ ਸਾਰੀਆਂ ਸਮਾਜ ਸੇਵੀ ਸੰਸਥਾ ਲੋੜਵੰਦ ਪਰਿਵਾਰਾਂ ਦੀ ਮਦਦ ਕਰਨ ਲਈ ਅੱਗੇ ਆਉਣ। ਇਸ ਮੌਕੇ ਲਾਈਨਜ ਕਲੱਬ ਗੁੱਡਵਿੱਲ ਜੈਤੋ ਦੇ ਆਹੁਦੇਦਾਰ ਚੈਅਰਮੈਨ ਪ੍ਰਵੀਨ ਜਿੰਦਲ, ਪ੍ਰਧਾਨ ਡਾਕਟਰ ਸੰਦੀਪ ਜਿੰਦਲ, ਜਨਰਲ ਸਕੱਤਰ ਪ੍ਰੇਮ ਬਾਂਸਲ, ਖਜਾਨਚੀ ਵਿੱਕੀ ਸਿੰਗਲਾ, ਸੁਧਾਂਸ਼ੂ ਜਿੰਦਲ, ਮਨੋਜ ਸਿੰਗਲਾ, ਵਿਕਾਸ ਗੋਇਲ, ਮਨੀਸ਼ ਮਹੇਸ਼ਵਰੀ, ਭੂਸ਼ਨ ਸੋਢੀ, ਰਜੇਸ਼ ਲੂੰਬਾ ਅਤੇ ਔਰਤਾਂ ਆਦਿ ਹਾਜ਼ਰ ਸਨ।