ਨਵਾਂ ਗਾਂਓ,28 ਅਗਸਤ ( ਐਨ ਡੀ ਤਿਵਾੜੀ)
ਸਮੂਹ ਸਿਹਤ ਵਿਭਾਗ ਦੀਆਂ ਜਥੇਬੰਦੀਆਂ ਵੱਲੋਂ ਸਿਵਲ ਹਸਪਤਾਲ ਬਠਿੰਡਾ ਵਿਖੇ ਲਗਾਤਾਰ ਸੰਘਰਸ਼ 50 ਵੇਂ ਦਿਨ ਵਿੱਚ ਸ਼ਾਮਿਲ ਹੋ ਗਿਆ।ਅੱਜ ਇਹ ਸੰਘਰਸ਼ ਜ਼ਿਲ੍ਹਾ ਪੱਧਰੀ ਕੀਤਾ ਗਿਆ ਜਿਸ ਤਹਿਤ ਸਿਵਲ ਹਸਪਤਾਲ ਦੀ ਓ ਪੀ ਡੀ ਬੰਦ ਕੀਤੀ ਗਈ। ਸਮੁੱਚੇ ਜ਼ਿਲ੍ਹੇ ਵਿੱਚ ਸਿਹਤ ਸੇਵਾਵਾਂ ਬੰਦ ਕੀਤੀਆਂ ਗਈਆਂ।ਸਾਂਝੀ ਕਮੇਟੀ ਦੇ ਆਗ ਗਗਨਦੀਪ ਸਿੰਘ ਭੁੱਲਰ ,ਡਾ ਜਗਰੂਪ ਸਿੰਘ ,ਅਮਿਤ ਕੁਮਾਰ , ਗੁਰਪ੍ਰੀਤ ਸਿੰਘ , ਪਰਮਜੀਤ ਕੌਰ , ਜਸਕਰਨ ਸਿੰਘ ਨੇ ਦੱਸਿਆ ਹੈ ਕਿ ਸਿਹਤ ਵਿਭਾਗ ਦੀ ਇੱਕ ਟੀਮ ਜਿਸ ਵਿੱਚ 8 ਅਧਿਕਾਰੀ ਅਤੇ 4 ਕਰਮਚਾਰੀ ਸ਼ਾਮਿਲ ਸਨ।ਮਿਤੀ 9 ਜੁਲਾਈ 2024 ਨੂੰ ਪਾਤੜਾਂ ਵਿਖੇ ਗੈਰ ਕਾਨੂੰਨੀ ਤਰੀਕੇ ਨਾਲ ਕੀਤੇ ਜਾ ਰਹੇ ਲਿੰਗ ਨਿਰਧਾਰਿਤ ਟੈਸਟ ਕਰਨ ਵਾਲੇ ਵਿਅਕਤੀਆਂ ਤੇ ਰੇਡ ਕਰਨ ਗਏ ਸਨ। ਪ੍ਰੰਤੂ ਮੁਖਬਰ ਦੀ ਗਲਤ ਜਾਣਕਾਰੀ ਕਾਰਨ ਸਿਹਤ ਵਿਭਾਗ ਦੇ ਰਾਜ ਸਿੰਘ ਵਾਰਡ ਅਟੈਂਡੈਟ ਨੂੰ ਵਿਜੀਲੈਂਸ ਵਿਭਾਗ ਵੱਲੋਂ ਗਿ੍ਰਫਤਾਰ ਕਰ ਲਿਆ ਗਿਆ।ਜਿਸ ਸਬੰਧੀ ਅਧਿਕਾਰੀਆਂ ਵੱਲੋਂ ਜੋ ਰਿਪੋਰਟ ਉੱਚ ਅਧਿਕਾਰੀਆਂ ਨੂੰ ਭੇਜੀ ਗਈ ਹੈ ਉਸ ਵਿੱਚ ਤੱਥਾਂ ਨੂੰ ਅਣਗੌਲਿਆ ਕੀਤਾ ਗਿਆ ਹੈ।ਜਿਸ ਕਾਰਨ ਰਾਜ ਸਿੰਘ ਵਾਰਡ ਅਟੈਂਡੈਟ ਬਿਨਾਂ ਕਸੂਰੋਂ ਹੀ ਸਜ਼ਾ ਦਾ ਭਾਗੀਦਾਰ ਬਣ ਸਕਦਾ ਹੈ।ਜਿਸ ਕਾਰਨ ਸਿਹਤ ਵਿਭਾਗ ਦੀਆਂ ਸਾਰੀਆਂ ਜਥੇਬੰਦੀਆਂ ਇਕੱਠੇ ਹੋ ਕੇ ਸੰਘਰਸ਼ ਕਰ ਰਹੀਆਂ ਹਨ।ਅੱਜ ਸ਼ਹਿਰ ਵਿੱਚ ਮਾਰਚ ਕਰਨ ਉਪਰੰਤ ਡਿਪਟੀ ਕਮਿਸ਼ਨਰ ਬਠਿੰਡਾ ਦੇ ਨਾਮ ਮੰਗ ਪੱਤਰ ਤਹਿਸੀਲਦਾਰ ਮੈਡਮ ਸਲੋਚਨਾ ਰਾਣੀ ਰਾਹੀਂ ਭੇਜਿਆ ਗਿਆ।ਅੱਜ ਸਮੂਹ ਜਥੇਬੰਦੀਆਂ ਵੱਲੋਂ ਫੈਸਲਾ ਕੀਤਾ ਕਿ ਮਿਤੀ 29-30 ਅਗਸਤ ਨੂੰ ਰੋਸ ਵਜੋਂ ਕਾਲੇ ਝੰਡਿਆਂ ਨਾਲ ਰੋਸ ਮੁਜਾਹਰਾ ਕੀਤਾ ਜਾਵੇਗਾ।30 ਅਗਸਤ 2024 ਨੂੰ ਅਰਥੀ ਫੂਕ ਮੁਜਾਹਰਾ ਵੀ ਕੀਤਾ ਜਾਵੇਗਾ।ਸਿਵਲ ਹਸਪਤਾਲ ਬਠਿੰਡਾ ਦੀਆਂ ਸਮੂਹ ਜਥੇਬੰਦੀਆਂ ਵੱਲੋਂ ਸਮੂਹ ਜਨਤਕ ਜਥੇਬੰਦੀਆਂ ਨੂੰ ਅਪੀਲ ਕੀਤੀ ਜਾਂਦੀ ਹੈ ਕਿ ਇਸ ਸੰਘਰਸ਼ ਵਿੱਚ ਸਿਵਲ ਹਸਪਤਾਲ ਬਠਿੰਡਾ ਦੇ ਨਿਹੱਕੇ ਫਸੇ ਇੱਕ ਦਰਜਾ ਚਾਰ ਕਰਮਚਾਰੀ ਦਾ ਸਾਥ ਦਿੱਤਾ ਜਾਵੇ।ਅੱਜ ਦੇ ਇਸ ਧਰਨੇ ਨੂੰ ਭੁਪਿੰਦਰਪਾਲ ਕੌਰ , ਸਿਕੰਦਰ ਸਿੰਘ ਧਾਲੀਵਾਲ ਡੀ ਐਮ ਐਫ਼ , ਡਾ. ਸਤਪਾਲ ,ਅਮੀ ਲਾਲ ਕੁਲ ਹਿੰਦ ਖੇਤ ਮਜ਼ਦੂਰ ਯੂਨੀਅਨ , ਕ੍ਰਿਸ਼ਨ ਪੀ ਐਸ ਐਸ ਐਫ਼ ,ਸਵਰਨਜੀਤ ਕੌਰ , ਹਰਵਿੰਦਰ ਕੌਰ , ਜਗਦੀਸ਼ ਸਿੰਘ , ਰਾਜੇਸ਼ ਮੌੜ , ਮੁਨੀਸ਼ ਕੁਮਾਰ , ਹਰਜਿੰਦਰ ਕੌਰ , ਪਲਵਿੰਦਰ ਸਿੰਘ , ਕੁਲਵਿੰਦਰ ਸਿੰਘ ,ਹਰਕਰਨ ਸਿੰਘ ,ਸਚਦੇਵ ,ਆਦਿ ਆਗੂਆਂ ਨੇ ਸੰਬੋਧਨ ਕੀਤਾ।