ਬਲਾਚੌਰ 29 ਅਗਸਤ (ਅਵਤਾਰ ਸਿੰਘ ਧੀਮਾਨ)
ਜੋਨ ਪੱਧਰ ਦੇ ਟੂਰਨਾਮੈਂਟ ਮੁਕਾਬਲਿਆਂ ਵਿੱਚ ਦ ਨੌਰਵੁੱਡ ਸਕੂਲ ਦੇ ਵਿਦਿਆਰਥੀਆਂ ਦਾ ਪ੍ਰਦਰਸ਼ਨ ਬਹੁਤ ਹੀ ਸ਼ਾਨਦਾਰ ਰਿਹਾ। ਸਕੂਲ ਦੀ ਬੈਡਮਿੰਟਨ(ਅੰਡਰ-17) ਤੇ ਕ੍ਰਿਕਟ(ਅੰਡਰ-14) ਦੀਆਂ ਟੀਮਾਂ ਨੇ ਪਹਿਲਾ ਸਥਾਨ ਹਾਸਿਲ ਕੀਤਾ ਤੇ ਕ੍ਰਿਕਟ(ਅੰਡਰ-17), ਖੋ-ਖੋ(ਅੰਡਰ-17), ਫੁੱਟਬਾਲ(ਅੰਡਰ-14), ਫੁੱਟਬਾਲ(ਅੰਡਰ-17), ਵਾਲੀਬਾਲ(ਅੰਡਰ-17), ਬੈਡਮਿੰਟਨ(ਅੰਡਰ-14) ਟੀਮਾਂ ਰਨਰ ਅਪ ਰਹੀਆਂ। ਜਿਸਦੀ ਬਦੌਲਤ ਕੁੱਝ ਵਿਦਿਆਰਥੀਆਂ ਦੀ ਜਿਲਾ ਪੱਧਰੀ ਟੀਮ ਲਈ ਚੋਣ ਕੀਤੀ ਗਈ। ਜਿਸ ਵਿੱਚ ਬੈਡਮਿੰਟਨ(ਅੰਡਰ-14) ਲਈ 4 ਵਿਦਿਆਰਥੀ, ਬੈਡਮਿੰਟਨ(ਅੰਡਰ-17) ਲਈ 4 ਵਿਦਿਆਰਥੀ, ਕ੍ਰਿਕਟ(ਅੰਡਰ-14) ਲਈ 11 ਵਿਦਿਆਰਥੀ, ਕ੍ਰਿਕਟ(ਅੰਡਰ-17) ਲਈ 3 ਵਿਦਿਆਰਥੀ, ਫੁੱਟਬਾਲ(ਅੰਡਰ-14) ਲਈ 2 ਵਿਦਿਆਰਥੀ ਅਤੇ ਬਾਲੀਵਾਲ(ਅੰਡਰ-17) ਲਈ 2 ਵਿਦਿਆਰਥੀ ਸ਼ਾਮਿਲ ਹਨ। ਸਕੂਲ ਮੈਨੇਜਮੈਂਟ ਵੱਲੋਂ ਚੋਣ ਕਮੇਟੀ ਦਾ ਵੀ ਧੰਨਵਾਦ ਕੀਤਾ ਗਿਆ ਜਿਨਾਂ ਨੇ ਵਿਦਿਆਰਥੀਆਂ ਨੂੰ ਇਹ ਮੌਕਾ ਪ੍ਰਦਾਨ ਕਰਨ ਵਿੱਚ ਅਹਿਮ ਰੋਲ ਅਦਾ ਕੀਤਾ।