ਪਿੰਡ ਓਇੰਦ ਦੇ ਕੁਸ਼ਤੀ ਦੰਗਲ ਵਿੱਚਗੁਰਸੇਵਕ ਮਲਿਕਪੁਰ ਨੇ ਜਿੱਤੀ ਝੰਡੀ ਦੀ ਕੁਸ਼ਤੀ-

ਮੋਰਿੰਡਾ, 29 ਅਗਸਤ (ਲਖਵੀਰ ਸਿੰਘ)

ਯੂਥ ਵੈਲਫੇਅਰ ਕਲੱਬ ਓਇੰਦ ਅਤੇ ਸਮੂਹ ਨਗਰ ਨਿਵਾਸੀਆਂ ਦੇ ਸਹਿਯੋਗ ਨਾਲ ਗੁੱਗਾ ਜਾਹਰ ਵੀਰ ਦੀ ਯਾਦ ਨੂੰ ਸਮਰਪਿਤ ਕਰਵਾਏ ਸਾਲਾਨਾ ਕਬੱਡੀ ਕੱਪ ਅਤੇ ਕੁਸ਼ਤੀ ਦੰਗਲ ਸ਼ਾਨਦਾਰ ਢੰਗ ਨਾਲ ਸਮਾਪਤ ਹੋ ਗਿਆ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਕਲੱਬ ਦੇ ਪ੍ਰਧਾਨ ਕੁਲਦੀਪ ਸਿੰਘ ਓਇੰਦ ਅਤੇ ਨੰਬਰਦਾਰ ਬਹਾਦਰ ਸਿੰਘ ਨੇ ਦੱਸਿਆ ਕਿ ਕਬੱਡੀ ਕੱਪ ਦਾ ਉਦਘਾਟਨ ਮੁੱਖ ਮਹਿਮਾਨ ਹਲਕਾ ਵਿਧਾਇਕ ਡਾ. ਚਰਨਜੀਤ ਸਿੰਘ ਅਤੇ ਕੁਸ਼ਤੀ ਦੰਗਲ ਦਾ ਉਦਘਾਟਨ ਭਾਈ ਸੁਖਵੀਰ ਸਿੰਘ ਕੰਧੋਲੇ ਵਾਲਿਆਂ ਵਲੋਂ ਕੀਤਾ ਗਿਆ। ਉਹਨਾਂ ਦੱਸਿਆ ਕਿ ਪਹਿਲਵਾਨ ਗੁਰਸੇਵਕ ਮਲਿਕਪੁਰ ਨੇ ਲਾਲੀ ਫਗਵਾੜਾ ਨੂੰ ਹਰਾ ਕੇ ਝੰਡੀ ਦੀ ਕੁਸ਼ਤੀ ਦਾ ਪਹਿਲਾ ਇਨਾਮ ਇੱਕ ਲੱਖ ਰੁਪਏ ਪ੍ਰਾਪਤ ਕੀਤਾ। ਦੂਜੀ ਝੰਡੀ ਦੀ ਕੁਸ਼ਤੀ ਵਿੱਚ ਗਾਮਾ ਸ੍ਰੀ ਚਮਕੌਰ ਸਾਹਿਬ ਨੇ ਗਗਨ ਉੱਚਾ ਪਿੰਡ ਨੂੰ, ਖੁਸ਼ੀ ਬਹਿਰਾਮਪੁਰ ਨੇ ਹਨੀ ਮਗਰੋੜ ਨੂੰ, ਮੁੰਨਾ ਡੂਮਛੇੜੀ ਨੇ ਗੁਰਸੇਵਕ ਮੁਸਕਾਬਾਦ ਨੂੰ, ਘੱਗੀ ਮੁਸਕਾਬਾਦ ਨੇ ਸੰਤ ਉੱਚਾ ਪਿੰਡ ਨੂੰ ਅਤੇ ਕਾਲੂ ਉੱਚਾ ਪਿੰਡ ਨੇ ਅਜਮ ਫਿਰੋਜ਼ਪੁਰ ਨੂੰ ਹਰਾ ਕੇ 11-11 ਹਜਾਰ ਦੇ ਨਕਦ ਇਨਾਮ ਪ੍ਰਾਪਤ ਕੀਤੇ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਮਨਜੀਤ ਸਿੰਘ ਔਲਖ ਡੀ.ਐੱਸ.ਪੀ. ਸ੍ਰੀ ਚਮਕੌਰ ਸਾਹਿਬ, ਭਾਨੂੰ ਪ੍ਰਤਾਪ ਰਾਣਾ, ਮਾਨਵ ਬਾਂਸਲ, ਨਵਜੋਤ ਸੰਘ ਮੈਨੇਜਰ ਪੰਜਾਬ ਐਂਡ ਸਿੰਧ ਬੈਂਕ ਲੁਠੇੜੀ, ਗੁਲਾਬ ਸਿੰਘ, ਸੰਜੇ ਕੁਮਾਰ, ਵਿਸ਼ਵਦੀਪ ਸਿੰਘ, ਵਿੱਕੀ ਬਦੇਸ਼ਾਂ, ਕੇਸਰ ਸਿੰਘ ਸਮਾਣਾ ਕਲਾਂ, ਕੁਲਦੀਪ ਸਿੰਘ ਪਪਰਾਲੀ, ਸੱਜਣ ਸਿੰਘ ਢਿੱਲੋਂ, ਗੁਰਪ੍ਰੀਤ ਸਿੰਘ, ਯਾਦਵਿੰਦਰ ਸਿੰਘ ਯਾਦੀ, ਰਤਨ ਸਿੰਘ ਫੌਜੀ, ਹਰਜਿੰਦਰ ਸਿੰਘ, ਸੰਗਤ ਸਿੰਘ, ਅਮਨਪ੍ਰੀਤ ਸਿੰਘ, ਓਪਿੰਦਰ ਸਿੰਘ, ਸਿਕੰਦਰ ਸਿੰਘ ਭਗਤ, ਨਿਰਮਲ ਸਿੰਘ ਨੱਤ, ਜਸਕਰਨ ਸਿੰਘ ਨਕਸ਼ਾ ਨਵੀਸ, ਪਿ੍ਰਤਪਾਲ ਸਿੰਘ ਸੂਬੇਦਾਰ, ਕਰਨਪ੍ਰੀਤ ਸਿੰਘ, ਲੱਖੀ ਪਵਾਰ, ਸਤਨਾਮ ਸਿੰਘ, ਨੰਬਰਦਾਰ ਦਲਬੀਰ ਸਿੰਘ ਵਿੰਟਾ, ਮਲਕੀਤ ਸਿੰਘ, ਦੀਪਾ ਖਾਬੜਾਂ, ਜਸਵਿੰਦਰ ਰੌਲੂਮਾਜਰਾ, ਕੁਮੈਂਟੇਟਰ ਸਤਨਾਮ ਯੈਂਗੋ, ਕੁਲਵੀਰ ਸਮਰੌਲੀ, ਰਾਜੇਸ਼ ਧੀਮਾਨ ਤੇ ਜੱਸਾ ਘਰਖਣਾ ਮੌਜੂਦ ਸਨ।