ਸ਼ੇਰਾ ਸੋਨੀ ਇਲੈਕਟ੍ਰੋਨਿਕ ਦੁਕਾਨ ਤੇ ਲੱਖਾਂ ਰੁਪਏ ਸਮਾਨ ਦੀ ਚੋਰੀ: ਲੀਫ਼ਟ ਵਾਲੀ ਜਗ੍ਹਾਂ ਰਾਂਹੀ ਦੁਕਾਨ ਵਿੱਚ ਦਾਖਲ ਹੋਏ ਚੋਰ

ਬਨੂੜ, 6 ਸਤੰਬਰ (ਅਵਤਾਰ ਸਿੰਘ)

ਬਨੂੜ-ਚੰਡੀਗੜ ਰੋਡ ਤੇ ਸਥਿਤ ਸ਼ੇਰਾ ਸੋਨੀ ਇਲੈਕਟ੍ਰੋਨਿਕ ਦੀ ਦੁਕਾਨ ਤੇ ਬਾਹਰ ਲੱਗੀ ਲੀਫ਼ਟ ਵਾਲੀ ਥਾਂ ਨੂੰ ਦਾਖਲ ਹੋ ਕੇ ਚੋਰਾਂ ਨੇ ਲੱਖਾਂ ਦਾ ਸਮਾਨ ਚੁਰਾਅ ਲਿਆ ਗਿਆ ਹੈ। ਚੋਰੀ ਦੀ ਵਾਰਦਾਤ ਦੁਕਾਨ ਵਿੱਚ ਲੱਗੇ ਸੀਸੀਟੀਵੀ ਕੈਮਰਿਆਂ ਵਿੱਚ ਕੈਦ ਹੋ ਗਈ। ਚੋਰੀ ਬਾਰੇ ਸਵੇਰ ਵੇਲ੍ਹੇ ਉਦੋਂ ਪਤਾ ਲੱਗਾ, ਜਦੋ ਦੁਕਾਨ ਦੇ ਮਾਲਕ ਸ਼ੇਰ ਸਿੰਘ ਸੋਨੀ ਨੇ ਦੁਕਾਨ ਦਾ ਸਟਰ ਚੁੱਕਿਆ ਤੇ ਸਮਾਨ ਇੱਧਰ-ਉੱਧਰ ਖਿਲਰਿਆ ਵੇਖਿਆ। ਪੀੜਤ ਨੇ ਦੱਸਿਆ ਕਿ ਰਾਤ 9 ਵਜੇ ਦੁਕਾਨ ਬੰਦ ਕਰਕੇ ਘਰ ਗਿਆ ਸੀ ਅਤੇ ਸਵਾ 9 ਵਜੇ ਦੇ ਕਰੀਬ ਚਾਰ ਨੌਜਵਾਨ ਦੁਕਾਨ ਦੇ ਬਾਹਰ ਲੱਗੀ ਲੀਫ਼ਟ ਵਾਲੀ ਥਾਂ ਰਾਂਹੀ ਦੁਕਾਨ ‘ਚੋਂ ਦਾਖਲ ਹੋਏ। ਜਿਨਾਂ ਫਰੋਲਾ ਫਰਾਲੀ ਕਰਕੇ ਵੀਹ ਹਜ਼ਾਰ ਨਕਦ, 6 ਐਲਈਡੀ, 9 ਨਵੇਂ 3 ਪੁਰਾਣੇ ਮੁਬਾਇਲ ਤੇ ਇੱਕ ਲੈਪਟਾਪ ਨਾਲ ਲੈ ਗਏ। ਉਨਾਂ ਦੱਸਿਆ ਕਿ ਕਰੀਬ ਤਿੰਨ ਲੱਖ ਦਾ ਸਮਾਨ ਚੋਰੀ ਹੋ ਗਿਆ। ਪੀੜਤ ਦੁਕਾਨਦਾਰ ਨੇ ਦੱਸਿਆ ਕਿ ਉਨਾਂ ਦੀ ਦੁਕਾਨ ਬੈਂਕ ਸੁਕੇਅਰ ਵਿਚਾਲੇ ਪੈਂਦੀ ਹੈ ਅਤੇ ਉਸ ਦੇ ਨੇੜੇ ਯੈੱਸ ਬੈਂਕ ਦਾ ਸੁਰੱਖਿਆ ਗਾਰਡ ਰਾਤ ਕਰੀਬ ਸਾਢੇ ਦਸ ਵਜੇ ਆਂਉਦਾ ਹੈ। ਚੋਰਾਂ ਨੇ ਉਸ ਦੇ ਆਉਣ ਤੋਂ ਪਹਿਲਾਂ ਹੀ ਦੁਕਾਨ ਤੇ ਹੱਥ ਫੇਰ ਕੇ ਕਰੀਬ ਦਸ ਵਜੇ ਰਫੂ ਚੱਕਰ ਹੋ ਗਏ। ਚੋਰੀ ਦੀ ਘਟਨਾ ਦੀ ਪੁਲਿਸ ਨੂੰ ਸ਼ਿਕਾਇਤ ਕਰ ਦਿੱਤੀ ਹੈ।