ਢਕੌਲੀ ਵਿਖੇ ਸਕੂਲ ਦੀ ਕੈਸ਼ੀਅਰ ਦੀ ਚੈਨ ਸਨੈਚ ਕੀਤੀ

ਜੀਰਕਪੁਰ 19 ਸਤੰਬਰ ਵਿੱਕੀ ਭਬਾਤ

ਅੱਜ ਸਵੇਰੇ ਆਪਣੇ ਸਕੂਲ ਵਿੱਚ ਜਾਂਦੇ ਹੋਏ ਇੱਕ ਸਕੂਲ ਦੀ ਕੈਸ਼ੀਅਰ ਦੀ ਚੈਨ ਸਨੈਚ ਹੋ ਗਈ। ਸਨੈਚਰ ਪਿੱਛੇ ਤੋਂ ਹੀ ਮਹਿਲਾ ਕੈਸ਼ੀਅਰ ਦਾ ਪਿੱਛਾ ਕਰ ਰਹੇ ਸਨ ਜਦੋਂ ਉਹ ਆਪਣੇ ਸਕੂਲ ਦੇ ਕੋਲ ਆ ਕੇ ਰੁਕੀ ਤਾਂ ਉਹ ਚੇਨ ਸਨੈਚ ਕਰਕੇ ਭੱਜ ਗਏ। ਸਨੈਚਰ ਦੀ ਤਸਵੀਰ ਸੀਸੀਟੀਵੀ ਵਿੱਚ ਕੈਦ ਹੋ ਗਈ। ਮਾਮਲੇ ਦੀ ਸ਼ਿਕਾਇਤ ਪੁਲਿਸ ਨੂੰ ਕਰ ਦਿੱਤੀ ਗਈ ਹੈ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।ਮੌਕੇ ਤੋਂ ਮਿਲੀ ਜਾਣਕਾਰੀ ਮੁਤਾਬਿਕ ਮੈਡਮ ਸੁਨੀਤਾ ਨੌਟਿਆਲ ਜੋ ਕਿ ਹਰਮਿਟੇਜ ਪਾਰਕ ਸੁਸਾਇਟੀ ਵਿੱਚ ਰਹਿੰਦੀ ਹੈ ਅਤੇ ਢਕੌਲੀ ਵਿਖੇ ਲਿਟਲ ਏਂਜਲ ਸਕੂਲ ਵਿਖੇ ਕੈਸ਼ੀਅਰ ਦੀ ਨੌਕਰੀ ਕਰਦੀ ਹੈ। ਅੱਜ ਸਵੇਰੇ ਕਰੀਬ 8 ਵਜੇ ਆਪਣੇ ਸਕੂਲ ਕੰਮ ਤੇ ਜਾ ਰਹੀ ਸੀ ਜਦੋਂ ਉਸਨੇ ਆਪਣਾ ਐਕਟਿਵਾ ਸਕੂਲ ਦੇ ਸਾਹਮਣੇ ਖੜਾ ਕੀਤਾ ਤਾਂ ਪਿੱਛੋਂ ਮੋਟਰ ਸਾਈਕਲ ਤੇ ਆ ਰਹੇ ਦੋ ਸਨੈਚਰਾਂ ਵਿੱਚੋ ਂਇੱਕ ਮੋਟਰ ਸਾਈਕਲ ਤੋਂ ਉਤਰਿਆ ਅਤੇ ਉਸਦੇ ਗਲ ਵਿੱਚ ਪਾਈ ਕਰੀਬ ਇੱਕ ਤੋਲੇ ਦੀ ਸੋਨੇ ਦੀ ਚੇਨ ਸਨੈਚ ਕਰ ਕੇ ਫਰਾਰ ਹੋ ਗਿਆ। ਉਸਨੂੰ ਸਕੂਲ ਦੇ ਸਕਿਊਰਟੀ ਗਾਰਡ ਜਗਦੀਸ਼ ਨੇ ਰੋਕਣ ਦੀ ਕੋਸਿਸ਼ ਕੀਤੀ ਪਰ ਉਹ ਉਸਨੂੰ ਧੱਕਾ ਦੇ ਕੇ ਫਰਾਰ ਹੋ ਗਿਆ।ਜੀਰਕਪੁਰ ਵਿਖੇ ਹੋ ਰਹੀਆਂ ਨਿੱਤ ਦੀਆਂ ਚੋਰੀਆਂ ਅਤੇ ਸਨੈਚਿੰਗ ਦੀਆਂ ਵਾਰਦਾਤਾਂ ਨਾਲ ਲੋਕਾਂ ਵਿੱਚ ਦਹਿਸ਼ਤ ਦਾ ਮਹੌਲ ਹੈ।