ਤਪਾ ਮੰਡੀ 21 ਸਤੰਬਰ(ਯਾਦਵਿੰਦਰ ਸਿੰਘ ਤਪਾ)-
ਤਪਾ ਪੁਲਸ ਨੇ ਸਮਾਜ ਵਿਰੋਧੀ ਅਨਸਰਾਂ ਖਿਲਾਫ ਚਲਾਈ ਮੁਹਿੰਮ ਦੋਰਾਨ ਦੋ ਚੋਰਾਂ ਨੂੰ ਸਾਢੇ 11 ਕਿਲੋ ਤਾਂਬੇ ਸਮੇਤ ਕਾਬੂ ਕਰਨ ‘ਚ ਸਫਲਤਾ ਮਿਲੀ ਹੈ। ਡੀ.ਐਸ.ਪੀ ਤਪਾ ਗੁਰਬਿੰਦਰ ਸਿੰਘ ਨੇ ਦੱਸਿਆ ਕਿ ਐਸ.ਐਸ.ਪੀ ਬਰਨਾਲਾ ਸ੍ਰੀ ਸੰਦੀਪ ਮਲਿਕ ਦੇ ਨਿਰਦੇਸ਼ਾਂ ‘ਤੇ ਥਾਣਾ ਮੁੱਖੀ ਇੰਸ ਸੰਦੀਪ ਸਿੰਘ ਦੀ ਅਗਵਾਈ ‘ਚ ਪੁਲਸ ਨੂੰ ਮੁਖਬਰੀ ਮਿਲੀ ਕਿ ਗੁਰਪ੍ਰੀਤ ਸਿੰਘ ਉਰਫ ਭਾਗੂ ਪੁੱਤਰ ਕੁਲਵਿੰਦਰ ਸਿੰਘ ਵਾਸੀ ਮਹਿਰਾਜ ਅਤੇ ਜਗਜੀਤ ਸਿੰਘ ਉਰਫ ਜੱਸੀ ਪੁੱਤਰ ਬਲਦੇਵ ਸਿੰਘ ਵਾਸੀ ਮਹਿਰਾਜ(ਬਠਿੰਡਾ) ਚੋਰੀਆਂ ਕਰਨ ਦੇ ਆਦੀ ਹਨ ਅਤੇ ਅੱਜ ਵੀ ਉਹ ਇਲਾਕੇ ‘ਚ ਚੋਰੀ ਕਰਨ ਲਈ ਆਏ ਹੋਏ ਹਨ ਤਾਂ ਹੌਲਦਾਰ ਗੁਰਪਿਆਰ ਸਿੰਘ ਦੀ ਅਗਵਾਈ ‘ਚ ਮੌਜੂਦ ਪੁਲਸ ਪਾਰਟੀ ਨੇ ਪਿੰਡ ਆਲੀਕੇ ਵੱਲੋ ਆਉਂਦੇ ਕਿਸੇ ਵਹੀਕਲ ਤੋ ਨੇੜੇ ਦਰਾਜ ਫਾਟਕ ਤਪਾ ਉੱਤਰ ਕੇ ਕੱਚੇ ਤੇ ਪੱਕੇ ਰਾਸਤੇ ਰਾਹੀਂ ਗੰਦੇ ਨਾਲੇ (ਡਰੇਨ) ਵੱਲ ਸਮੇਤ ਗੱਟਾ ਪਲਾਸਟਿਕ ਜਾ ਰਹੇ ਸੀ,ਪੁਲਸ ਨੇ ਦੋਹਾਂ ਨੂੰ ਕਾਬੂ ਕਰਕੇ 11 ਕਿਲੋ 500 ਗ੍ਰਾਮ ਤਾਂਬਾ ਬਰਾਮਦ ਕਰ ਲਿਆ। ਪੁਲਸ ਨੇ ਚੋਰਾਂ ਖਿਲਾਫ ਮਾਮਲਾ ਦਰਜ ਕਰਕੇ ਮਾਨਯੋਗ ਅਦਾਲਤ ‘ਚ ਪੇਸ਼ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।