ਗਲੋਬਲ ਸਿਟੀ ਹਰਲਾਲਪੁਰ ਵਿਖੇ ਚੋਰਾਂ ਨੇ ਘਰ ਵਿਚ ਕੀਤੀ ਚੋਰੀ

ਖਰੜ,18 ਅਕਤੂਬਰ (ਕੁਲਦੀਪ ਸਿੰਘ ਢਿਲੋਂ):

ਨਗਰ ਕੌਸਲ ਖਰੜ ਦੀ ਹਦੂਦ ਅੰਦਰ ਗਲੋਬਲ ਸਿਟੀ ਹਰਲਾਲਪੁਰ ਵਿਖੇ ਚੋਰਾਂ ਨੇ ਬੰਦ ਪਏ ਮਕਾਨ ਦੇ ਦਰਵਾਜ਼ੇ ਤੋੜ ਕੇ ਸੋਨਾ, ਚਾਂਦੀ ਸਮੇਤ ਹੋਰ ਸਮਾਨ ਚੋਰੀ ਕਰ ਲਿਆ। ਮਕਾਨ ਮਾਲਕ ਗੁਰਵਿੰਦਰ ਕੌਰ ਨੇ ਦਸਿਆ ਕਿ ਮਕਾਨ ਨੰ: 1135 ਗਲੋਬਲ ਸਿਟੀ ਹਰਲਾਲਪੁਰ ਵਿਖੇ ਆਪਣੇ ਪਰਿਵਾਰ ਸਮੇਤ ਰਹਿੰਦੇ ਹਨ। ਉਹ ਬੀਤੀ 15 ਅਕਤੂਬਰ ਨੂੰ ਚੰਡੀਗੜ੍ਹ ਵਿਖੇ ਆਪਣੇ ਪੇਕੇ ਘਰ ਚਲੀ ਗਈ ਅਤੇ ਉਸਦਾ ਪਤੀ ਮਨੀਸ਼ ਜੈਨ ਜੋ ਬੈਕ ਵਿਚ ਨੌਕਰੀ ਕਰਦੇ ਹਨ, ਮੁੰਬਈ ਵਿਖੇ ਟੇ੍ਰਨਿੰਗ ਤੇ ਗਏ ਹੋਏ ਸਨ। ਆਪਣੇ ਘਰ ਵਿਚ ਰੋਜਾਨਾ ਕੰਮ ਕਰਨ ਵਾਲੀ ਮੇਟ ਨੂੰ ਮਕਾਨ ਦੇ ਬਾਹਰ ਗਮਲਿਆਂ ਵਿਚ ਪੌਦਿਆਂ ਨੂੰ ਪਾਣੀ ਪਾਉਣ ਲਈ ਕਿਹਾ ਸੀ ਅੱਜ ਜਦੋਂ ਉਹ ਸਵੇਰੇ ਆਈ ਤਾਂ ਉਸਨੇ ਵੇਖਿਆ ਕਿ ਮਕਾਨ ਦਾ ਦਰਵਾਜ਼ਾ ਟੁੱਟਿਆ ਹੋਇਆ ਹੈ ਜਿਸ ਤੋਂ ਬਾਅਦ ਉਸਨੇ ਨਾਲ ਦੇ ਪੜੌਸੀਆਂ ਨੂੰ ਦਸਿਆ ਜਿਨ੍ਹਾਂ ਵਲੋਂ ਫੋਨ ਕਰਕੇ ਜਾਣਕਾਰੀ ਦਿੱਤੀ ਗਈ ਕਿ ਤੁਹਾਡੇ ਘਰ ਵਿਚ ਚੋਰੀ ਹੋ ਗਈ। ਉਹ ਚੰਡੀਗੜ੍ਹ ਤੋਂ ਇੱਥੇ ਪਹੁੰਚੀ ਤਾਂ ਵੇਖਿਆ ਕਿ ਉਨ੍ਹਾਂ ਦੇ ਮਕਾਨ ਦਾ ਦਰਵਾਜ਼ੇ ਦਾ ਕੁੰਡਾ ਟੁੱਟਿਆ ਹੋਇਆ ਸੀ ਅਤੇ ਕਮਰਿਆਂ ਦੇ ਅੰਦਰ ਸਮਾਨ ਖਿਲਰਿਆ ਪਿਆ ਸੀ ਅਤੇ ਲੱਕੜੀ ਦੀਆਂ ਕਈ ਫੱਟੀਆਂ ਪਈਆਂ ਸਨ। ਉਨ੍ਹਾਂ ਦਸਿਆ ਕਿ ਮਕਾਨ ਵਿਚ ਸੋਨੇ ਦਾ ਚਾਂਦੀ ਅਤੇ ਉਸਦੇ ਪਤੀ ਦੇ ਕੱਪੜਿਆਂ ਵਾਲਾ ਬੈਗ ਚੋਰੀ ਕਰਕੇ ਚੋਰ ਲੈ ਗਿਆ ਜਿਸ ਨਾਲ ਉਸਦਾ 7-8 ਲੱਖ ਰੁਪਏ ਦਾ ਮਾਲੀ ਨੁਕਸਾਨ ਹੋਇਆ ਹੈ। ਉਨ੍ਹਾਂ ਦਸਿਆ ਕਿ ਨਾਲ ਦੇ ਪੜੌਸੀ ਦੇ ਸੀ.ਸੀ.ਟੀ.ਵੀਂ ਕੈਮਰੇ ਵਿਚ ਵੇਖਿਆ ਕਿ ਇੱਕ ਵਿਅਕਤੀ 3 ਵਜੇ ਦੇ ਕਰੀਬ ਬਾਹਰ ਇੱਕ ਬੈਗ ਚੁੱਕ ਕੇ ਲਈ ਜਾਂਦੀ ਹੈ। ਉਨ੍ਹਾਂ ਇਸ ਸਬੰਧ ਵਿਚ ਥਾਣਾ ਸਦਰ ਪੁਲਿਸ ਖਰੜ ਨੂੰ ਲਿਖਤੀ ਸੂਚਨਾ ਦਿੱਤੀ ਹੈ।