ਇਕਬਾਲ ਸਿੰਘ
ਹਿਸਾਰ, 15 ਦਸੰਬਰ
ਹਿਸਾਰ ਦੀ ਪੁਰਾਣੀ ਸਬਜ਼ੀ ਮੰਡੀ ਵਿੱਚ ਮਨੋਜ ਜਨਰਲ ਸਟੇਸ਼ਨਰੀ ਅਤੇ ਸਜਾਵਟ ਸਟੋਰ ਵਿੱਚ ਅੱਜ ਤੜਕੇ ਅੱਗ ਲੱਗ ਗਈ ਅਤੇ ਕੁਝ ਹੀ ਸਮੇਂ ਵਿੱਚ ਤਿੰਨ ਮੰਜ਼ਿਲਾ ਇਮਾਰਤ ਸੜ ਕੇ ਸੁਆਹ ਹੋ ਗਈ। ਅੱਗ ਦਾ ਪੱਤਾ ਉਸ ਵਕ?ਤ ਲਗਾ ਜਦੋਂ ਸਵੇਰੇ ਇਕ ਹੱਕਰ ਵੰਡਣ ਅਖਬਾਰ ਵੰਡਣ ਆਇਆ ਤਾਂ ਉਸ ਨੇ ਦੁਕਾਨ ਵਿਚੋਂ ਧੂੰਆਂ ਨਿਕਲਦਾ ਦੇਖਿਆ। ਉਦੋਂ ਹੀ ਆਸ-ਪਾਸ ਦੇ ਲੋਕਾਂ ਨੂੰ ਇਸ ਦੀ ਜਾਣਕਾਰੀ ਮਿਲੀ। ਲੋਕਾਂ ਨੇ ਪੁਲੀਸ ਅਤੇ ਅੱਗ ਬੁਝਾਊ ਵਿਭਾਗ ਨੂੰ ਵੀ ਅੱਗ ਦੀ ਸੂਚਨਾ ਦਿੱਤੀ। ਫਾਇਰ ਬਿ੍ਰਗੇਡ ਵਿਭਾਗ ਦਾ ਅਮਲਾ ਮੌਕੇ 'ਤੇ ਆਇਆ ਅਤੇ ਅੱਗ ਬੁਝਾਉਣ ਦੀ ਕੋਸ਼ਿਸ਼ ਸ਼ੁਰੂ ਕਰ ਦਿੱਤੀ। ਵਿਭਾਗ ਨੂੰ ਅੱਗ ਬੁਝਾਉਣ ਵਿੱਚ 4 ਘੰਟੇ ਲੱਗ ਗਏ ਅਤੇ ਦੱਸ ਤੋਂ ਵੱਧ ਫਾਇਰ ਬਿ੍ਰਗੇਡ ਦੀਆਂ ਗੱਡੀਆਂ ਦੀ ਵਰਤੋਂ ਕੀਤੀ ਗਈ। ਇਹ ਤਿੰਨ ਮੰਜ਼ਿਲਾ ਦੁਕਾਨ ਪਲਾਸਟਿਕ, ਕਾਗਜ਼ ਅਤੇ ਜਲਣਸ਼ੀਲ ਪਦਾਰਥਾਂ ਨਾਲ ਭਰੀ ਹੋਈ ਸੀ। ਅੱਗ ਲੱਗਣ ਕਾਰਨ ਕਿਸੇ ਜਾਨੀ ਨੁਕਸਾਨ ਦੀ ਕੋਈ ਖ਼ਬਰ ਨਹੀਂ ਹੈ ਪਰ ਕਰੀਬ 15 ਲੱਖ ਰੁਪਏ ਦਾ ਸਾਮਾਨ, ਕਾਊਂਟਰ ਆਦਿ ਸੜ ਕੇ ਸੁਆਹ ਹੋ ਗਿਆ। ਅੱਗ ਲੱਗਣ ਦਾ ਕਾਰਨ ਬਿਜਲੀ ਦਾ ਸ਼ਾਰਟ ਸਰਕਟ ਮੰਨਿਆ ਜਾ ਰਿਹਾ ਹੈ। ਦੁਕਾਨ ਮਾਲਕ ਦਯਾਨੰਦ ਮਹਿਤਾ ਅਨੁਸਾਰ ਅੱਗ ਅਤੇ ਗਰਮੀ ਕਾਰਨ ਸਾਰਾ ਸਾਮਾਨ ਸੜ ਗਿਆ ਅਤੇ ਪਿੰਗਲ ਕੇ ਸੁਆਹ ਅਤੇ ਖ਼ਰਾਬ ਹੋ ਗਿਆ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।