ਰੋਟਰੀ ਕਲੱਬ ਪ੍ਰਧਾਨ ਡਾ. ਹਿਤਿੰਦਰ ਸੂਰੀ ਦੀ ਅਗਵਾਈ ਵਿੱਚ ਮਨਾਈ ਗਈ "ਧੀਆਂ ਦੀ ਲੋਹੜੀ" 

 

 

ਰੋਟਰੀ ਕਲੱਬ ਸਰਹਿੰਦ ਦੇ ਨਵੇਂ ਚੁਣੇ ਗਏ ਪ੍ਰਧਾਨ, ਰੋਟੇਰੀਅਨ ਡਾ. ਹਿਤਿੰਦਰ ਸੂਰੀ ਦੀ ਅਗਵਾਈ ਵਿੱਚ ਰਾਣਾ ਹੈਰੀਟੇਜ, ਸਰਹਿੰਦ ਵਿਖੇ "ਧੀਆਂ ਦੀ ਲੋਹੜੀ" ਉਤਸ਼ਾਹ ਨਾਲ ਮਨਾਈ ਗਈ।ਇਸ ਮੌਕੇ ਨਵਜਨਮੀਆਂ ਧੀਆਂ ਵਾਲੇ ਪਰਿਵਾਰਾਂ ਨੂੰ ਸੱਦਾ ਦਿੱਤਾ ਗਿਆ ਸੀ, ਤਾਂ ਜੋ ਉਹ ਆਪਣੀ ਪਹਿਲੀ ਲੋਹੜੀ ਮਨਾ ਕੇ ਖੁਸ਼ੀ ਅਤੇ ਆਸ ਭਰਿਆ ਭਵਿੱਖ ਦਰਸਾ ਸਕਣ।ਇਹ ਸਮਾਰੋਹ ਪ੍ਰਧਾਨ ਰੋਟੇਰੀਅਨ ਡਾ. ਹਿਤਿੰਦਰ ਸੂਰੀ, ਸਕੱਤਰ ਰੋਟੇਰੀਅਨ ਵਿਨੀਤ ਸ਼ਰਮਾ, ਅਤੇ ਖਜਾਨਚੀ ਰੋਟੇਰੀਅਨ ਸੁਨੀਲ ਬੈਕਟਰ ਦੀ ਦੇਖ-ਰੇਖ ਹੇਠ ਆਯੋਜਿਤ ਕੀਤਾ ਗਿਆ। ਇਸ ਮੌਕੇ ਤੇ ਸਨਮਾਨਿਤ ਮਹਿਮਾਨਾਂ ਤੋਂ ਇਲਾਵਾ ਰੋਟੇਰੀ ਕਲੱਬ ਦੇ ਮੈਂਬਰ, ਰੋਟੇਰੀਅਨ ਰਾਜਵੀਰ ਸਿੰਘ ਗਰੇਵਾਲ (ਅਸਿਸਟੈਂਟ ਗਵਰਨਰ), ਪੀਪੀ ਪ੍ਰਦੀਪ ਮਲਹੋਤਰਾ, ਪੀਪੀ ਕਮਲ ਗੁਪਤਾ, ਪੀਪੀ ਦਵਿੰਦਰ ਵਰਮਾ, ਪੀਪੀ ਦਿਨੇਸ਼ ਵਰਮਾ, ਪੀਪੀ ਰਾਜੇਸ਼ ਚੋਪੜਾ ਅਤੇ ਰੋਟੇਰੀਅਨ ਬਲਦੇਵ ਸਿੰਘ ਠਾਮਨ ਵੀ ਉਚੇਚੇ ਤੌਰ ਤੇ ਪਹੁੰਚੇ। ਇਸ ਮੌਕੇ ਤੇ ਡਾ. ਹਿਤਿੰਦਰ ਸੂਰੀ ਨੇ ਕਿਹਾ ਕਿ ਉਹ ਰੋਟਰੀ ਕਲੱਬ ਸਰਹਿੰਦ ਦੇ ਮੈਂਬਰਾਂ ਦੇ ਵਿਸ਼ੇਸ਼ ਤੌਰ ਤੇ ਧੰਨਵਾਦੀ ਹਨ ਜਿਨ੍ਹਾਂ ਨੇ ਉਨ੍ਹਾਂ ਨੂੰ ਇਹ ਜ਼ਿੰਮੇਵਾਰੀ ਸੌਂਪੀ ਅਤੇ ਧੀਆਂ ਦੀ ਲੋਹੜੀ ਅਰਥਪੂਰਨ ਢੰਗ ਨਾਲ ਮਨਾਉਣ ਵਿੱਚ ਪੂਰਾ ਸਹਿਯੋਗ ਦਿੱਤਾ।ਉਨ੍ਹਾਂ ਕਿਹਾ, "ਮੈਨੂੰ ਰੋਟਰੀ ਕਲੱਬ ਸਰਹਿੰਦ ਦੇ ਪ੍ਰਧਾਨ ਵਜੋਂ ਭੂਮਿਕਾ ਨਿਭਾਉਣ ਦਾ ਮੌਕਾ ਮਿਲਣ ’ਤੇ ਗੌਰਵ ਮਹਿਸੂਸ ਹੋ ਰਿਹਾ ਹੈ। 'ਧੀਆਂ ਦੀ ਲੋਹੜੀ' ਦੇ ਜਸ਼ਨ ਨੂੰ ਮਨਾਉਣਾ ਸਾਡੀਆਂ ਮਜ਼ਬੂਤ ਜੜ੍ਹਾਂ ਨੂੰ ਦਰਸਾਉਂਦਾ ਹੈ ਅਤੇ ਧੀਆਂ ਦੀ ਅਹਿਮੀਅਤ ਬਾਰੇ ਸਮਾਜ ਨੂੰ ਇੱਕ ਚੰਗਾ ਸੁਨੇਹਾ ਭੇਜਦਾ ਹੈ।" ਇਸ ਸਮਾਗਮ ਨੂੰ ਰਵਾਇਤੀ ਗੀਤ ਸੰਗੀਤ ਨੇ ਹੋਰ ਵੀ ਖੁਸ਼ਨੁਮਾ ਬਣਾ ਦਿੱਤਾ ਜਿਸ ਦਾ ਹਾਜ਼ਰੀਨ ਨੇ ਖ਼ੂਬ ਆਨੰਦ ਮਾਣਿਆ।ਇਸ ਸਮਾਰੋਹ ਦੀ ਸਮਾਪਤੀ ਰੋਟਰੀ ਕਲੱਬ ਸਰਹਿੰਦ ਦੀ ਇਸ ਵਚਨਬੱਧਤਾ ਨਾਲ ਹੋਈ ਕਿ ਉਹ ਸਮਾਜਕ ਸਾਂਝ, ਮਹਿਲਾਵਾਂ ਅਤੇ ਧੀਆਂ ਨੂੰ ਸਸ਼ਕਤ ਬਣਾਉਣ ਦੇ ਯਤਨ ਕਰਦੇ ਰਹਿਣਗੇ ਅਤੇ ਡਾ. ਸੂਰੀ ਦੀ ਅਗਵਾਈ ਹੇਠ ਲੋਕ ਭਲਾਈ ਦੇ ਕੰਮ ਜਾਰੀ ਰੱਖਣਗੇ ।