ਵਿਸ਼ੇਸ਼ ਲੋੜਾਂ ਵਾਲੇ ਵਿਦਿਆਰਥੀਆਂ ਨਾਲ ਮਨਾਇਆ ਲੋਹੜੀ ਦਾ ਤਿਉਹਾਰ 

 

ਪੰਜਾਬੀ ਸੱਭਿਆਚਾਰ 'ਚ ਬੇਹੱਦ ਖਾਸ ਸਥਾਨ ਰੱਖਦੇ ਲੋਹੜੀ ਦੇ ਇਤਿਹਾਸਕ ਤਿਉਹਾਰ ਨਾਲ ਧਾਰਮਿਕ ਅਤੇ ਸਮਾਜਿਕ ਲਹਿਰਾਂ ਜੁੜੀਆਂ ਹੋਈਆਂ ਹਨ। ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਅੱਜ ਲਕਸ਼ਿਆ ਸਪੈਸ਼ਲ ਸਕੂਲ ਤਲਾਣੀਆਂ ਵਿਖੇ ਵਿਸ਼ੇਸ਼ ਲੋੜਾਂ ਵਾਲੇ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਨਾਲ ਲੋਹੜੀ ਦਾ ਤਿਉਹਾਰ ਮਨਾਉਂਦੇ ਹੋਏ ਉੱਘੇ ਵਾਤਾਵਰਣ ਪ੍ਰੇਮੀ ਹਰਮਨਪ੍ਰੀਤ ਸਿੰਘ ਨੇ ਕੀਤਾ। ਉਨ੍ਹਾਂ ਕਿਹਾ ਕਿ ਜਿੱਥੇ ਅਸੀ ਧੀਆਂ ਅਤੇ ਪੁੱਤਰਾਂ ਦੀ ਲੋਹੜੀ ਮਨਾਉਣ ਦਾ ਕਾਰਜ ਕਰਦੇ ਹਾਂ ਉਥੇ ਹੀ ਸਾਨੂੰ ਇਨ੍ਹਾਂ ਵਿਸ਼ੇਸ਼ ਲੋੜਾਂ ਵਾਲੇ ਬੱਚੇ ਅਤੇ ਬੱਚੀਆਂ ਨਾਲ ਵੀ ਆਪਣੇ ਤਿਉਹਾਰ ਮਨਾਉਣੇ ਚਾਹੀਦੇ ਹਨ ਤਾਂ ਜੋ ਇਹ ਆਪਣੇ ਆਪ ਨੂੰ ਸਮਾਜ ਤੋ ਅਲੱਗ ਨਾ ਮਹਿਸੂਸ ਕਰਨ। ਇਸ ਮੌਕੇ ਪ੍ਰਿੰਸੀਪਲ ਪ੍ਰੀਤੀ ਵਿਸ਼ਾਲ ਨੇ ਕਿਹਾ ਕਿ ਵਿਸ਼ੇਸ਼ ਲੋੜਾਂ ਵਾਲੇ ਬੱਚੇ ਅਤੇ ਬੱਚੀਆਂ ਵੀ ਸਾਡੇ ਸਮਾਜ ਦਾ ਹਿੱਸਾ ਹਨ।ਤੇ ਅੱਜ ਨਿੱਘੇ ਰਿਸ਼ਤਿਆਂ ਦਾ ਤਿਉਹਾਰ ਲੋਹੜੀ ਲਕਸ਼ਿਆ ਸਪੈਸ਼ਲ ਸਕੂਲ ਤਲਾਣੀਆਂ ਵਿਖੇ ਲੋਹੜੀ ਬਾਲ ਕੇ ਮਨਾਇਆ ਗਿਆ । ਇਸ ਮੌਕੇ ਸਕੂਲ ਵੱਲੋਂ ਸਹਿਯੋਗੀ ਸੱਜਣਾ ਨਾਲ ਮਿਲਕੇ ਵਿਸ਼ੇਸ਼ ਲੋੜਾਂ ਵਾਲੇ ਬੱਚੇ ਅਤੇ ਬੱਚੀਆਂ ਨੂੰ ਤੋਹਫ਼ੇ ਦਿੱਤੇ ਗਏ ਅਤੇ ਬੱਚਿਆਂ ਵੱਲੋਂ ਵੀ ਇਸ ਮੌਕੇ ਗਿੱਧਾ, ਭੰਗੜਾ ਪਾਕੇ ਆਪਣੀ ਖੁਸ਼ੀ ਦਾ ਇਜ਼ਹਾਰ ਕੀਤਾ ਗਿਆ। ਇਸ ਮੌਕੇ ਸਕੂਲ ਮੈਨੇਜ਼ਮੈਂਟ ਕਮੇਟੀ ਦੇ ਪ੍ਰਧਾਨ ਮਲਕੀਤ ਸਿੰਘ ਨੇ ਆਏ ਮਹਿਮਾਨਾਂ, ਸਹਿਯੋਗੀ ਸੱਜਣਾਂ ਅਤੇ ਸਟਾਫ ਨੂੰ ਲੋਹੜੀ ਦੀ ਮੁਬਾਰਕਬਾਦ ਦਿੰਦਿਆਂ ਸਾਰਿਆਂ ਦਾ ਧੰਨਵਾਦ ਕੀਤਾ।ਇਸ ਮੌਕੇ ਅਧਿਆਪਕਾਂ ਰਜਿੰਦਰ ਕੌਰ, ਯੋਗਾ ਅਧਿਆਪਕ ਦੀਪਕ, ਕੋਮਲ ਹੀਆ ਸ਼ਰਮਾ, ਹਨਿਸ਼ ਸ਼ਰਮਾ,ਪਰਮਜੀਤ ਸਿੰਘ,ਵਿਦਿਆਰਥੀ ਮਨਮਿਤਰ ਸਿੰਘ,ਕਵਲਜੀਤ ਸਿੰਘ, ਪ੍ਰਿਤਪਾਲ ਸਿੰਘ, ਰਾਹੁਲ, ਬੇਬੀ, ਪ੍ਰਿੰਸ, ਰਜਨੀ, ਯਸ਼, ਅਸ਼ਮੀਤ ਆਦਿ ਹਾਜ਼ਰ ਸਨ।