ਚੰਡੀਗੜ੍ਹ, 21 ਫਰਵਰੀ -
ਹਰਿਆਣਾ ਦੇ ਸੁਪਰ 100 ਪ੍ਰੋਗਰਾਮ ਵਿਚ ਨਾਮਜਦ 10 ਵਿਦਿਆਰਥੀਆਂ ਨੇ ਜੇਈਈ (ਮੇਨਸ) 2025 ਵਿਚ 99 ਫੀਸਦੀ ਤੋਂ ਵੱਧ ਨੰਬਰ ਪ੍ਰਾਪਤ ਕੀਤੇ ਹਨ, ਜਿਸ ਦੇ ਨਤੀਜੇ ਹਾਲ ਹੀ ਵਿਚ ਐਲਾਨ ਕੀਤੇ ਗਏ ਹਨ।
ਇਸ ਸਬੰਧ ਵਿਚ ਅੱਜ ਇੱਥੇ ਜਾਣਕਾਰੀ ਸਾਂਝੀ ਕਰਦੇ ਹੋਏ ਇੱਕ ਸਰਕਾਰੀ ਬੁਲਾਰੇ ਨੇ ਦਸਿਆ ਕਿ ਮੋਹਰੀ 10 ਵਿਦਿਆਰਥੀਆਂ ਵਿੱਚੋਂ ਦੋ ਕੁੜੀਆਂ ਵੀ ਸ਼ਾਮਿਲ ਹਨ।
ਭਿਵਾਨੀ ਜਿਲ੍ਹੇ ਦੇ ਨਿਵਾਸੀ ਆਦਿਤਅ 99.91 ਫੀਸਦੀ ਨੰਬਰਾਂ ਦੇ ਨਾਲ ਸਿਖਰ ਸਥਾਨ 'ਤੇ ਰਹੇ ਹਨ, ਜੋਦੋਂ ਕਿ ਜੀਂਦ ਜਿਲ੍ਹੇ ਦੇ ਰਵਿੰਦਰ ਨੇ 99.87 ਫੀਸਦੀ ਨੰਬਰਾਂ ਦੇ ਨਾਲ ਦੂਜਾ ਸਥਾਨ ਹਾਸਲ ਕੀਤਾ ਹੈ। ਹੋਰ ਵਰਨਣਯੋਗ ਉਪਲਬਧੀ ਹਾਸਲ ਕਰਨ ਵਾਲਿਆਂ ਵਿਚ ਭਿਵਾਨੀ ਤੋਂ ਮੁਸਕਾਨ (99.84 ਫੀਸਦੀ), ਫਰੀਦਾਬਾਦ ਤੋਂ ਤਨਿਸ਼ (99.81 ਫੀਸਦੀ), ਮਹੇਂਦਰਗੜ੍ਹ ਤੋਂ ਵਿਸ਼ੇਸ਼ ਯਾਦਵ (99.56 ਫੀਸਦੀ), ਗੁਰੂਗਰਾਮ ਤੋਂ ਰੋਹਿਤ (99.44 ਫੀਸਦੀ), ਫਰੀਦਾਬਾਦ ਤੋਂ ਸੁਫਤਾ ਪਰਵੀਨ (99.35 ਫੀਸਦੀ), ਫਤਿਹਾਬਾਦ ਤੋਂ ਯੋਗੇਸ਼ (99.31 ਫੀਸਦੀ), ਫਰੀਦਾਬਾਦ ਤੋਂ ਵਿਵੇਕ (99.19 ਫੀਸਦੀ) ਅਤੇ ਜੀਂਦ ਤੋਂ ਦੀਪੇਂਦਰ (99.17 ਫੀਸਦੀ) ਸ਼ਾਮਿਲ ਹਨ।
ਇਸੀ ਤਰ੍ਹਾ, ਪ੍ਰੋਗਰਾਮ ਦੇ ਤਹਿਤ 26 ਵਿਦਿਆਰਥੀਆਂ ਨੇ 97 ਫੀਸਦੀ ਤੋਂ ਵੱਧ ਨੰਬਰ ਪ੍ਰਾਪਤ ਕੀਤੇ, 25 ਵਿਦਿਆਰਥੀਆਂ ਨੇ 95 ਫੀਸਦੀ ਨੰਬਰ ਨੂੰ ਪਾਰ ਕੀਤਾ, 97 ਵਿਦਿਆਰਥੀਆਂ ਨੇ 90 ਫੀਸਦੀ ਤੋਂ ਵੱਧ ਨੰਬਰ ਪ੍ਰਾਪਤ ਕੀਤੇ ਅਤੇ 143 ਵਿਦਿਆਰਥੀਆਂ ਨੇ ਜੇਈਈ (ਮੇਨਸ) ਪ੍ਰੀਖਿਆ ਵਿਚ 85 ਫੀਸਦੀ ਤੋਂ ਵੱਧ ਨੰਬਰ ਪ੍ਰਾਪਤ ਕੀਤੇ ਹਨ।
ਹਰਿਆਣਾ ਸਕੂਲ ਸਿਖਿਆ ਮੁੱਖ ਦਫਤਰ ਦੀ ਪਹਿਲ ਸੁਪਰ 100 ਯੋ੧ਨਾ 2025 ਦਾ ਉਦੇਸ਼ NEET ਅਤੇ IIT-JEE ਵਰਗੀ ਮੁਕਾਬਲੇ ਪ੍ਰੀਖਿਆਵਾਂ ਦੇ ਇਛੁੱਕ ਵਿਦਿਆਰਥੀਆਂ ਨੂੰ ਫਰੀ ਕੋਚਿੰਗ ਪ੍ਰਦਾਨ ਕਰਨਾ ਹੈ। ਹਾਈ ਸਕੂਲ ਦੀ ਪ੍ਰੀਖਿਆ ਵਿਚ 80 ਫੀਸਦੀ ਤੋਂ ਵੱਧ ਨੰਬਰ ਪ੍ਰਾਪਤ ਕਰਨ ਵਾਲੇ ਵਿਦਿਆਰਥੀਆਂ ਨੁੰ ਸ਼ਸ਼ਕਤ ਬਨਾਉਣ ਲਈ ਸ਼ੁਰੂ ਕੀਤੀ ਗਈ ਇਹ ਯੋਜਨਾ ਵਿਦਿਆਰਥੀਆਂ ਨੂੰ ਪ੍ਰੇਰਿਤ ਕਰ ਰਹੀ ਹੈ ਅਤੇ ਉਨ੍ਹਾਂ ਨੂੰ ਮੁਕਾਬਲੇ ਪ੍ਰੀਖਿਆਵਾਂ ਲਈ ਤਿਆਰ ਕਰ ਰਹੀ ਹੈ। ਇਸ ਪਹਿਲ ਰਾਹੀਂ ਵਿਦਿਆਰਥੀਆਂ ਨੂੰ ਫਰੀ ਕੋਚਿੰਗ ਮਿਲਦੀ ਹੈ, ਜਿਸ ਨਾਲ ਉਨ੍ਹਾਂ ਨੂੰ ਇੰਨ੍ਹਾਂ ਪ੍ਰੀਖਿਆਵਾਂ ਨੂੰ ਸਫਲਤਾਪੂਰਵਕ ਪ੍ਰਾਪਤ ਕਰਨ ਵਿਚ ਬਹੁਤ ਲਾਭ ਮਿਲਦਾ ਹੈ। ਇਸ ਨਾਲ ਸੂਬੇ ਵਿਚ ਵਿਦਿਆਰਥੀਆਂ ਦੇ ਵਿਚ ਮੁਕਾਬਲੇ ਮਾਹੌਲ ਵੀ ਵਿਕਸਿਤ ਹੁੰਦਾ ਹੈ।