ਬਰਨਾਲਾ, 10 ਸਤੰਬਰ (ਧਰਮਪਾਲ ਸਿੰਘ)
ਜੌੜੇ ਪੈਟਰੋਲ ਪੰਪਾਂ ਸਾਹਮਣੇ ਧਨੌਲਾ ਰੋਡ ਤੇ ਇੱਕ ਵਕੀਲ ਦੇ ਘਰੋਂ ਚੋਰ ਹਜ਼ਾਰਾਂ ਰੁਪਏ ਦਾ ਸਮਾਨ ਚੋਰੀ ਕਰਕੇ ਫਰਾਰ ਹੋ ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਵਕੀਲ ਸੁਭਾਸ਼ ਕੁਮਾਰ ਗਰਗ ਪੁੱਤਰ ਰੋਸ਼ਨ ਲਾਲ ਵਾਸੀ ਧਨੌਲਾ ਰੋਡ, ਨੇੜੇ ਰੇਲਵੇ ਅੰਡਰ ਬਿ੍ਰਜ ਨੇ ਦੱਸਿਆ ਕਿ ਲੰਘੀ ਰਾਤ ਚੋਰ ਗੁਆਂਢੀਆਂ ਦੀ ਛੱਤ ਉੱਪਰ ਦੀ ਉਨ੍ਹਾਂ ਦੇ ਘਰ ਅੰਦਰ ਦਾਖਲ ਹੋ ਕੇ ਟੂਟੀਆਂ, ਗੀਜ਼ਰ ਤੋਂ ਇਲਾਵਾ ਹੋਰ ਵੀ ਸਮਾਨ ਚੋਰੀ ਕਰਕੇ ਫਰਾਰ ਹੋ ਗਏ ਅਤੇ ਸੈਂਖ ਵਗੈਰਾ ਦੀ ਭੰਨ ਤੋੜ ਕਰ ਗਏ । ਉਹਨਾਂ ਦੱਸਿਆ ਸਵੱਖਤੇ ਉਹਨਾਂ ਨੂੰ ਚੋਰੀ ਸਬੰਧੀ ਗੁਆਂਢੀਆਂ ਨੇ ਫੋਨ ਕਰਕੇ ਦੱਸਿਆ ਜਦ ਅਸੀਂ ਘਰ ਦਾ ਜਿੰਦਰਾ ਖੋਲ੍ਹ ਕੇ ਦੇਖਿਆ ਤਾਂ ਚੋਰ ਸਾਰੀਆਂ ਟੂਟੀਆਂ, ਗੀਜਰ ਤੇ ਹੋਰ ਸਮਾਨ ਚੋਰੀ ਕਰਕੇ ਲੈ ਗਏ । ਵਕੀਲ ਸੁਭਾਸ਼ ਕੁਮਾਰ ਗਰਗ ਨੇ ਦੱਸਿਆ ਕਿ ਉਹ ਹੁਣ ਇੱਕ ਕਲੋਨੀ ਵਿੱਚ ਰਹਿ ਰਹੇ ਹਨ ਅਤੇ ਪੁਰਾਣੇ ਘਰ ਵਿੱਚ ਉਨ੍ਹਾਂ ਦਫਤਰ ਬਣਾਇਆ ਹੋਇਆ ਹੈ ਅਤੇ ਹੋਰ ਵੀ ਸਮਾਨ ਇਸ ਘਰ ਵਿੱਚ ਹੀ ਪਿਆ ਹੈ । ਉਹਨਾਂ ਦੱਸਿਆ ਕੀ ਚੋਰੀ ਸਬੰਧੀ ਥਾਣਾ ਸਿਟੀ 1 ਬਰਨਾਲਾ ਵਿਖੇ ਲਿਖਤੀ ਦਰਖਾਸਤ ਦੇ ਦਿੱਤੀ ਹੈ। ਉਨ੍ਹਾਂ ਜ਼ਿਲ੍ਹਾ ਪੁਲਿਸ ਮੁਖੀ ਸੰਦੀਪ ਕੁਮਾਰ ਮਲਿਕ ਤੋਂ ਮੰਗ ਕੀਤੀ ਕਿ ਸ਼ਹਿਰ ਅੰਦਰ ਹੋ ਰਹੀਆ ਚੋਰੀਆਂ ਰੋਕਣ ਲਈ ਰਾਤ ਦੀ ਗਸਤ ਵਧਾਈ ਜਾਵੇ ਤਾਂ ਜੋ ਨਿੱਤ ਦਿਨ ਹੋ ਰਹੀ ਚੋਰੀਆਂ ਰੁਕ ਸਕਣ ਜਦੋਂ ਇਸ ਸਬੰਧੀ ਥਾਣਾ ਸਿਟੀ ਇੱਕ ਦੇ ਐਸਐਚਓ ਇੰਸਪੈਕਟਰ ਲਖਵਿੰਦਰ ਸਿੰਘ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਦੱਸਿਆ ਕਿ ਪੁਲਿਸ ਵੱਲੋਂ ਵਕੀਲ ਸੁਭਾਸ਼ ਕੁਮਾਰ ਗਰਗ ਦੇ ਘਰ ਨੇੜੇ ਦੁਕਾਨਾਂ ਤੇ ਲੱਗੇ ਕੈਮਰਿਆਂ ਦੀ ਫੁਟੇਜ ਖੁੰਘਾਲੀ ਜਾ ਰਹੀ ਹੈ ਜਲਦ ਹੀ ਚੋਰਾਂ ਨੂੰ ਕਾਬੂ ਕਰ ਲਿਆ ਜਾਵੇਗਾ