ਦੁਨੀਆਂ ਅੰਦਰ ਆਪਣੇ ਸੁਫਨਿਆ ਨੂੰ ਪੂਰਾ ਕਰਨ ਲਈ ਜ਼ਰੂਰੀ ਹੈ ਸਹੀ ਸਮੇਂ ਤੇ ਸਹੀ ਫ਼ੈਸਲੇ ਲੈਣਾ, ਕਿਉਂਕਿ ਫ਼ੈਸਲਿਆ ਤੋਂ ਬਗ਼ੈਰ ਜੀਵਨ ਦੀ ਦਿਸ਼ਾ ਅਤੇ ਦਸ਼ਾ ਨੂੰ ਬਦਲਿਆ ਨਹੀਂ ਜਾ ਸਕਦਾ ਹੈ । ਵਿਅਕਤੀ ਭਾਂਵੇ ਜਿੰਨ੍ਹਾ ਮਰਜੀ ਪੜਿ੍ਹਆ-ਲਿਖਿਆ ਹੋਵੇ, ਹੁਨਰਮੰਦ ਹੋਵੇ, ਉਸਦੇ ਅਰਮਾਨਾਂ ਦਾ ਉਦੋਂ ਤੱਕ ਹਕੀਕਤ ਵਿਚ ਬਦਲਣਾ ਔਖਾ ਹੈ, ਜਦੋਂ ਤੱਕ ਉਹ ਕੋਈ ਕਦਮ ਨਹੀਂ ਚੁੱਕਦਾ ਹੈ । ਅਨੁਭਵੀ ਲੋਕਾਂ ਦਾ ਮੰਨਣਾ ਹੈ ਕਿ ਬਿਨਾਂ ਫੈਸਲਿਆਂ ਦੇ ਕੋਈ ਮੁਕਾਮ ਹਾਸਲ ਨਹੀਂ ਕੀਤਾ ਜਾ ਸਕਦਾ ਹੈ । ਚੰਗੇ ਫ਼ੈਸਲੇ ਵਿਅਕਤੀ ਦੀ ਅਕਲ, ਯੋਗਤਾ ਅਤੇ ਭਰੋਸੇ ਦਾ ਸਬੂਤ ਹੁੰਦੇ ਹਨ । ਫ਼ੈਸਲੇ ਮਨੁੱਖ ਅੰਦਰ ਕੁਛ ਕਰਨ ਦੀ ਜਿਗਿਆਸਾ ਪੈਦਾ ਕਰਦੇ ਹਨ ।

ਗ਼ਦਰ ਪਾਰਟੀ ਦੇ ਸੂਰਮਿਆਂ ਦੀਆਂ ਅਮਰ ਕਾਥਾਵਾਂ ਵੀ ਹਿਰਦੇ ਵਲੂੰਧਰਣ ਤੇ ਬਹੁਤ ਸੂਰਮਗਤੀ ਵਾਲੀਆਂ ਹਨ। ਸ਼ਹੀਦ ਗਦਰੀ ਭਾਈ ਰਾਮ ਸਿੰਘ ਧੁਲੇਤਾ ਨੇ ਗ਼ਦਰ ਪਾਰਟੀ ਵਿੱਚ ਘੁਸੇ ਬੇਈਮਾਨ ਪੰਡਤ ਰਾਮ ਚੰਦਰ ਦਾ ਭਰੀ ਕਚੈਹਰੀ ਵਿੱਚ ਕਤਲ ਕਰਕੇ ਉਸ ਦੀ ਬਦਨੀਤ ਤੋਂ ਗਦਰ ਪਾਰਟੀ ਨੂੰ ਬਚਾਇਆ ਸੀ। ਉਸ ਗਦਾਰ ਨੇ ਪਾਰਟੀ ਦੇ ਪੈਸੇ ਤੋਂ ਤਕੜੀ ਜਾਇਦਾਦ ਬਣਾ ਲਈ ਸੀ ਤੇ ਪਾਰਟੀ ਨੂੰ ਕੋਈ ਨਿਆਂ ਨਹੀਂ ਸੀ ਦਿੰਦਾ। ਰਾਮ ਸਿੰਘ ਨੇ ਆਪ ਪਾਰਟੀ ਨੂੰ ਤਕੜਾ ਪੈਸਾ ਦਿੱਤਾ ਹੋਇਆ ਸੀ।

ਹਿੰਦ ਦੀ ਚਾਦਰ, ਦਇਆ ਦੀ ਮੂਰਤ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਬਾਰੇ ਭਾਈ ਕਾਹਨ ਸਿੰਘ ਨਾਭਾ ਲਿੱਖਦੇ ਹਨ ਕਿ ਗੁਰੂ ਤੇਗ ਬਹਾਦਰ ਜੀ 5 ਵੈਸਾਖ (ਵੈਸਾਖ ਵਦੀ 5) ਸੰਮਤ 1678, 1 ਅਪੈ੍ਰਲ 1621 ਨੂੰ ਪਿਤਾ ਸ੍ਰੀ ਗੁਰੂ ਹਰਿਗੋਬਿੰਦ ਸਾਹਿਬ ਜੀ ਅਤੇ ਮਾਤਾ ਨਾਨਕੀ ਜੀ ਦੇ ਉੱਦਰ ਤੋਂ ਅੰਮ੍ਰਿਤਸਰ ‘ਗੁਰੂ ਕੇ ਮਹਿਲ’ ਵਿੱਚ ਪ੍ਰਗਟ ਹੋਏ। ਆਪ ਪੰਜ ਭਰਾ ਸਨ। ਵੱਡੇ ਭਰਾ ਬਾਬਾ ਗੁਰਦਿੱਤਾ ਜੀ, ਬਾਬਾ ਸੂਰਜ ਮੱਲ, ਬਾਬਾ ਅਣੀ ਰਾਇ ਤੇ ਬਾਬਾ ਅਟੱਲ ਰਾਇ ਜੀ। 

ਪੰਜਾਬੀ ਸਾਹਿਤ ਦੇ ਖੇਤਰ ਚ ਬਲਵੰਤ ਗਾਰਗੀ ਕਿਸੇ ਜਾਣ ਪਛਾਣ ਦੇ ਮੁਥਾਜ ਨਹੀਂ।ਉਹ ਇੱਕ ਸੁਤੰਤਰ, ਨਿਧੜਕ ਲੇਖਕ, ਨਾਟਕਕਾਰ, ਪੱਤਰਕਾਰ, ਨਾਟਕ ਨਿਰਦੇਸ਼ਕ, ਯੂਨੀਵਰਸਿਟੀ ਆਫ ਵਾਸ਼ਿੰਗਟਨ(ਅਮਰੀਕਾ) ’ਚ ਭਾਰਤੀ ਨਾਟਕ ਲਈ ਪ੍ਰੋਫੈਸਰ, ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਦੇ ਰੰਗ ਮੰਚ ਅਧਿਆਪਕ ਰਹੇ ਹਨ। ਬਲਵੰਤ ਗਾਰਗੀ ਦਾ ਜਨਮ ਅਣਵੰਡੇ ਪੰਜਾਬ ਮਾਲਵੇ ਦੀ ਧਰਤੀ ਜਿਲ੍ਹਾ ਬਠਿੰਡਾ ਦੇ ਪਿੰਡ ਸ਼ਹਿਣਾ ਵਿੱਚ 4 ਦਸੰਬਰ 1916 ਨੀਤਾ ਖਾਨਦਾਨ ਵਿੱਚ ਪਿਤਾ ਸ੍ਰੀ ਸ਼ਿਵਦਿਆਲ ਦੇ ਘਰ ਹੋਇਆ ਸੀ।

ਅੱਜ ਪੂਰੇ ਵਿਸ਼ਵ ਭਰ ਵਿਚ ਧਰਤੀ ਦਿਵਸ ਮਨਾਇਆ ਜਾ ਰਿਹਾ ਹੈ। 1970 ਵਿਚ ਸ਼ੁਰੂ ਕੀਤੇ ਗਏ ਇਸ ਦਿਵਸ ’ਤੇ ਬਹੁਤ ਸਾਰੇ ਲੋਕਾਂ ਵਲੋਂ ਧਰਤੀ ਮਾਤਾ ਦੀ ਸਾਂਭ ਸੰਭਾਲ ਲਈ ਕੁੱਝ ਚੰਗਾ ਕਰਨ ਦਾ ਪ੍ਰਣ ਲਿਆ ਜਾਂਦਾ ਹੈ। ਸਮੁੱਚੇ ਬ੍ਰਹਿਮੰਡ ਦੇ ਸਾਰੇ ਗ੍ਰਹਿਆਂ ਵਿਚੋ ਧਰਤੀ ਸਭ ਤੋਂ ਉਤਮ ਗ੍ਰਹਿ ਮੰਨਿਆ ਜਾਂਦਾ ਹੈ ਕਿਉਂਕਿ ਸਾਡੇ ਹੁਣ ਤੱਕ ਦੇ ਗਿਆਨ ਮੁਤਾਬਕ ਸਿਰਫ ਧਰਤੀ ਉਪਰ ਹੀ ਸਚੁੱਜਾ ਜੀਵਨ ਸੰਭਵ ਹੈ।

ਇਸ ਵਿਚ ਕੋਈ ਸ਼ੱਕ ਨਹੀਂ ਹੈ ਕਿ ਸਾਹਿਤਕਾਰ ਹੋਣਾ ਇਕ ਬੜੀ ਹੀ ਸੁਭਾਗੀ ਤੇ ਸੁਚੱਜੀ ਦਾਤ ਹੈ ਤੇ ਸੂਝ ਦੇ ਚਸ਼ਮੇ ‘ਚੋਂ ਲੋਕਾਈ ਦੀ ਪੀੜ ਨੂੰ ਤੱਕ ਕੇ ਤੇ ਫਿਰ ਕਲੇਜੇ ‘ਚ ਸਮੋਅ ਕੇ ਵੱਖ-ਵੱਖ ਸਮਾਜਿਕ, ਆਰਥਿਕ ਤੇ ਨੈਤਿਕ ਵਰਤਾਰਿਆਂ ਪ੍ਰਤੀ ਬੇਬਾਕ ਰਚਨਾਵਾਂ ਰਚਣ ਵਾਲਾ ਸਾਹਿਤਕਾਰ ਤਾਂ ‘ਸੋਨੇ ‘ਤੇ ਸੁਹਾਗੇ ’ਵਰਗਾ ਹੁੰਦਾ ਹੈ। ਇਸ ਵਕਤ ਬਟਾਲਾ ਦੇ ਵਸਨੀਕ ੳੁੱਘੇ ਸਾਤਿਹਕਾਰ ਤੇ ਚਿੰਤਕ ਡਾ. ਅਨੂਪ ਸਿੰਘ ’ਤੇ ਉਪਰੋਕਤ ਵਾਕ ਅੱਖਰ-ਅੱਖਰ ਢੁੱਕਦੇ ਹਨ। 

ਖ਼ੂਬਸੂਰਤ ਜਿੰਦਗੀ ਵਿੱਚ ਸਫਲਤਾ ਦਾ ਅਹਿਮ ਸਥਾਨ ਹੈ। ਇਸ ਦੇ ਰਾਹ ਅਸਫਲਤਾ ਦੇ ਵਲੇਵੇ ’ਚ ਨਿਕਲ ਕੇ ਸਫਲਤਾ ਵੱਲ ਲੈ ਜਾਂਦੇ ਹਨ। ਨਾਕਾਮੀ ਡਰੋ ਮਨ ਦੇ ਵਲਵਲੇ ਦਬਾਉਣੇ ਨਹੀਂ ਚਾਹੀਦੇ। ਜਦੋਂ ਮੁਸ਼ਕਲਾਂ ਆਵਣ ਤਾਂ ਸਮਝ ਜਾਣਾ ਜਿੰਦਗੀ ਕੁਝ ਨਵਾਂ ਸਿਖਾਉਣ ਵਾਲੀ ਹੈ। ਉਹ ਸਾਨੂੰ ਪਰਖਣ ਅਤੇ ਕੋਸ਼ਿਸ਼ਾ ਕਰਨ ਲਈ ਉਤਸਾਹਤ ਕਰਦੇ ਹਨ। ਵਿਸ਼ਵ ਪ੍ਰਸਿੱਧ ਦੌੜਾਕ ਉਸੈਨ ਬੋਲਟ ਲਿਖਦੇ ਹਨ ਕਿ ਮੈਨੂੰ ਨਹੀਂ ਲੱਗਦਾ ਜੀਵਨÇ ਵੱਚ ਸੀਮਾਵਾਂ ਹਨ ਪਰ ਅਸਫਲਤਾ ਦਾ ਡਰ ਕੁਝ ਲੋਕਾਂ ਨੂੰ ਸੀਮਿਤ ਕਰ ਦਿੰਦਾ ਹੈ ਜੇਕਰ ਉਹ ਕੋਸ਼ਿਸ਼ ਕਰਦੇ ਤਾਂ ਸਫਲ ਹੋ ਸਕਦੇ ਸਨ। ਟੀਚੇ ਲਈ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਜ਼ਰੂਰੀ ਹੈ।

ਬਾਹਰ ਦਾ ਗੇਟ ਖੋਲ੍ਹ ਕੇ ਫੁੱਲਾਂ ਬੂਟਿਆਂ ਕੋਲ ਦੀ ਹੁੰਦਾ ਜਦ ਮੈਂ ਬਰਾਂਡੇ ’ਚ ਪਹੁੰਚਦਾ ਹਾਂ ਤਾਂ ਦਰਸ਼ੀ ਦਾ ਗੁਲਾਬੀ ਚਿਹਰਾ ਮਧੁਰ ਮੁਸਕਣੀ ਨਾਲ ਮੇਰਾ ਸਵਾਗਤ ਕਰਦਾ ਹੈ। ਇਸ ਵੇਲੇ ਉਹ ਜਾਂ ਤੇ ਘਰ ਦੀ ਸਫ਼ਾਈ ਵਿਚ ਲੱਗੀ ਹੁੰਦੀ ਹੈ ਤੇ ਜਾਂ ਸੀਣ ਪ੍ਰੋਣ ਦੇ ਕੰਮ ਵਿਚ ਜਿਵੇਂ ਕਰਮ ਤੋਂ ਬਗ਼ੈਰ ਉਹਦਾ ਜੀਵਨ ਸਾਰਥਕ ਨਾ ਹੋਵੇ। 

ਵਿਦਵਾਨਾਂ ਦਾ ਕਥਨ ਹੈ ਕਿ ਭੁਗੋਲਕ ਅਤੇ ਸਮਾਜਕ ਬਣਤਰ ਦਾ ਮਨੁੱਖ ਦੇ ਮਨ, ਵਿਚਾਰ ਅਤੇ ਜੀਵਨ ’ਤੇ ਡੂੰਘਾ ਅਸਰ ਪੈਂਦਾ ਹੈ। ਇਹ ਗੱਲ 100 ਫ਼ੀਸਦੀ ਸੱਚ ਹੈ ਕਿ ਭੁਗੋਲਕ ਖ਼ੇਤਰ ਅਤੇ ਸਮਾਜਕ ਬਣਤਰ ਦੇ ਅਨੁਸਾਰ ਮਨੁੱਖ ਦੀ ਬੋਲੀ, ਪਹਿਰਾਵਾ, ਰਹਿਣ-ਸਹਿਣ ਅਤੇ ਸੁਭਾਅ ਹੋਵੇਗਾ। ਮਨੁੱਖੀ ਮਨ ਉੱਪਰ ਪਏ ਇਸ ਪ੍ਰਭਾਵ ’ਤੇ ਧਰਮ ਅਤੇ ਹੋਰ ਨਿੱਕੇ-ਮੋਟੇ ਕਾਰਕ ਲਾਜ਼ਮੀ ਅਸਰ ਪਾਉਂਦੇ ਹਨ ਪਰੰਤੂ! ਉਨਾ ਨਹੀਂ ਕਿ ਇਸ ਪ੍ਰਭਾਵ, ਅਸਰ ਨੂੰ ਗੰਭੀਰ ਅਤੇ ਪੁਖ਼ਤਾ ਚਰਚਾ ਦਾ ਵਿਸ਼ਾ ਬਣਾਇਆ ਜਾ ਸਕੇ।

ਮੋਦੀ ਰਾਜ ਦੇ ਇਹ ਨਾਅਰੇ, ਝੂਠ ਬੋਲਣ ’ਚ ਇਸ ਰਾਜ ਦੇ ਦੂਜੇ ਸਾਰੇ ਨਾਅਰਿਆਂ ਤੋਂ ਵੀ ਅੱਗੇ ਹਨ। ਸੱਚਾਈ ਇਹ ਹੈ ਕਿ ਇਹ ਝੂਠਾ ਨਾਅਰਾ ਲਾਉਂਦੇ-ਲਾਉਂਦੇ, ਰਾਸ਼ਟਰੀ ਸਵੈਮ ਸੇਵਕ ਸੰਘ-ਭਾਰਤੀ ਜਨਤਾ ਪਾਰਟੀ ਨੇ ਆਜ਼ਾਦ ਭਾਰਤ ਦੀ ਧਰਮ ਨਿਰਪੱਖਤਾ ਦੀਆਂ ਪ੍ਰਤੀਬੱਧਤਾਵਾਂ ਨੂੰ ਪਲਟਦਿਆਂ, ਦੇਸ਼ ’ਤੇ ਅਜਿਹਾ ਰਾਜ ਮੜਿਆ ਹੈ, ਜਿਸ ਨੇ ਘੱਟਗਿਣਤੀਆਂ ਨੂੰ ਤਾਂ ਵੱਧ ਤੋਂ ਵੱਧ ‘‘ਪਰਾਇਆ’’ ਬਣਾਇਆ ਹੀ ਹੈ, ਦਲਿਤਾਂ, ਆਦੀਵਾਸੀਆਂ, ਪੱਛੜਿਆਂ ਅਤੇ ਮਹਿਲਾਵਾਂ ਨੂੰ ਵੀ ਵੱਧ ਤੋਂ ਵੱਧ ਦਬਾਇਆ ਹੈ।